Endabeni zethu lamhlanje ……………..
****** Umkhuhlane weCoronavirus ubikwa ungaba usungenile eZimbabwe lapho okulabantu abedlula ikhulu abasahlolisiswa benakanelwa ukuba bangabe belalu mkhuhlane.
****** Amapholisa alela umkhokheli we MDC umnumzana Nelson Chamisa ukuphawula okusemthethweni uhlelo lwakhe lokukhuthaza ukulondoloza ukuhlanzeka elizweni, emkhosini obumele wenzelwe endaweni yamavinkili e Unit L emzini weChitungwiza.
****** Namhlanje silethulela isigaba sesihlanu senhlelo zethu eziphathelane lodubo lwendlala lapho ingcwethi ezibona ngezokulima, ukufuya langokuguquka komkhathi ezithi kunengi okungenziwa ngabalimi ngesikhathi sokuswelakala kwezulu.
***** Kwezemidlalo…….. Uphele zingutshiki lobhanqa umdlalo owesibili owohlobo lwe Test obudlalwa phakathi kweqembu le Zimbabwe kanye lele Sri Lanka.
***** KuWoza Friday namhlanje sihamba leqembu leTsholotsho Great Sounds elicula umdumo weRhumba.
****** KuLiveTalk namhlanje sikhangela udaba lomkhuhlane oweCoronavirus oqhamuke kweleChina osusabalale wafika emazweni edlula angamatshumi amabili. Thumelani imilayezelo yenu ku WhatsApp kunombolo ezithi 001 202 465 0318 kumbe enkundleni yokukhulumisana lokuzilibazisa yebulenjini eyeFacebook ekhasini lethu ele VOA Ndebele. Lingakhuthwa yilezindaba lezinye kuStudio 7 ngo half past 7 ntambama langohalf past 6 ekuseni, kumagagasi athi 909 am, 4930, 15580 laku 6080 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.