amalinks wokungena

Breaking News

Inhloko ZeNdaba Zibandlela


Inani lasebetholakale beleCOVID 19, likhuphulwe ngabantu abaphezu kwenkulungwane eyodwa-1365, abatholakale belegcikwane leli izolo kuphela. Inengi labatholakale belegcikwane leli ngabe Harare, abangamakhulu phose athobaminwembili- 777 kuthi idolobho lako Bulawayo lilabantu abangaphezu kwekhulu-110.

Umphathintambo wogatsha lwendaba zasekhaya kweleSouth Africa umnumnzana Aaron Motsoaledi usefunge wagomela esithi izizalwane zeZimbabwe ezingelancwadi ezaneleyo ngeke zivunyelwe ukungena elizweni kungenani lokuthi kulezinkulungwane ezilamalanga zilokhu zizama ukungena emngceleni weBeitbridge.

Uhulumende usekhweze intengo yamafutha ezimota okukhangelelwe ukubangela ukukhuphuka kwentengo yempahla lokudla ezitolo.

Idale leCongress likhangelelwe ukuthi namuhla lizabala abavoti aweElectoral College aveza ukuba uMnu. Joseph Biden, owebandla lama Democrats, wanqoba uMongameli Donald Trump kukhetho lukamongameli olwenziwe ngoLwezi nyakenye. UTrump ufuna ukuvimba impumela yokhetho lolu esithi waqilwa nguBiden lebandla eliphikisayo.

Ku Livetalk namhlanje kuhlelo “Diaspora Forum” sikhangela ukwenziwa yizizalwane zeZimbabwe esezihlala kwamanye amazwe.

Nxa lifuna ukungena kulolu hlelo thumelani umlayezelo ku WhatsApp kunombolo ezithi - 001 202 465 0318.

Abafisa ukulalalela kumsakazo we Studio 7, lilakho ukusithola ngohalf past 7 ntambama kumagagase athi 909 am 4930; 6040, laku 15460 Kilohertz kuShort Wave nsuku zonke.

Lilakho njalo ukusithola ngohalf past 6 ekuseni kusukela ngoMvulo kusiya ngoLwesihlanu kumagagase athi - 909 am, 4930, 7270, laku 9885 Short Wave.

Facebook Forum

XS
SM
MD
LG