*** Uhulumende usethumele amapholisa ukuyadinga abantu bokuza abakwele South Africa okungekho emthethweni abahlala elokitshini leDiepsloot eJohannesburg ngesikhathi abadabuka kwamanye amazwe abangela maphepha abaselokitshini leRiverpark labo sebetshelwe ukuthi baphume bephele kuleyo ndawo kungakafiki elakusasa.
*** Omele ilizwe leMelika kwele Botswana utshela isiphathamandla senhlanganiso yeSouthern African Development Community ukuthi konke okwenzakala eZimbabwe kwenziwa yibukhohlakali, ukungaqhubi kahle ezomnotho, ukwephulwa kwelungelo loluntu lokunye hatshi izijeziso zenotho ezafakelwa abalandeli bebandla leZanu PF ngamazwe entshonalanga.
*** Idolobho lakoBulawayo lithi lokhu emalutshwana amanzi emadamu okukhiwa khona amanzi kazulu loba izulu like lana.
*** Sizahlolisisa ukubhidlika kwamabhizimusi amakhulu eZimbabwe.
*** KuLiveTalk namuhla kuhlelo lwabatsha olweThe Connection sixoxa ngembali kamuyi uOliver Mutukudzi. Nxa lifuna ukungena kuhlelo sithumeleni umlayezelo kunombolo ezithi 0012024650318. Lingakhuthwa yilezindaba lezinye kuStudio 7 ngohalf past 7 ntambama lango half past 6 ekuseni, kumagagasi athi 909 am, 4930, 13860 laku 15460 kilohertz kuShortwave.