Abantu abathathu babulewe ngumkhuhlane weCOVID-19 izolo eZimbabwe kwathi abafika phose ikhulu – 92 bahlolwe batholakala belogciwane leCoronavirus.
Baqhubekela phambili abalandeli bebandla leZanu PF bevimba imihlangano eyenziwa nguMnu. Nelson Chamisa eMasvingo.
Inhlanganiso yeZimbabwe National Family Planning Council iqhuba uhlelo lokuhlola uzulu imvukuzane yebele kuliviki kungela mbadalo.
Ikhansili yakoBulawayo yamukela izipho zendawo zokulahlela izibi ezamabhini.
Abalandela ezombangazwe bathi kumele amabandla aphikisayo adonse ndawonye ngesikhathi sokhetho oluzakwenziwa ngomnyaka ka2023 nxa efuna ukuthi kususwe ibandla leZanu PF embusweni.
Imikhankaso yokhetho oluzayo ikhanya isisuke ngezinga eliphezulu. Kambe udlakela oluqhamukileyo lunga lutshengisani?
KuLivetalk kuhlelo lwabesifazana ‘Asiyihluzeni Bomama’ namuhla sihlolisisa umkhuhlane weCOVID-19 lokunye okubhekane labesifazana.