Endabeni zethu lamhlanje
********** Ikhomishini yeZimbabwe Electoral Commission ithi izathatha inyanga ezimbili kuphela ukuthi ilungise ugwalo lokuvota olwe voters’ roll.
********** Abesifazana abaphila ngokulungisa izitsha lokunye okufanayo bathi bayehluleka ukuthengisa impahla yabo kwamanye amazwe.
********** Kwenzakalani phakathi kwamabandla aphikisa elibusayo ele Zanu PF azama ukusebenza ndawonye ngesikhathi sokhetho oluzakwenziwa ngomnyaka ka2018?
********** Iqembu leZimbabwe Warriors liqhubekela phambili lisenza kahle emdlalweni weCOSAFA Castle Cup. Bathini abantu ngalokhu?
********** KuLivetalk lamuhla kuhlelo lwabesifazana olwe Women’s RoundTable sixoxa ngabantu abaphila belejwabu elilombala ongaphelelanga okubizwa ngeSilungu ngokuthi yi-albinism alabazala abathwala nzima nxa bengababeletha. Bahlutshelwani abazali babo? Thumelani imilayezelo yenu ku WhatsApp kunombolo yethu ethi 001 202 465 0318 kumbe enkundleni yebulenjini yokuzilibazisa kukhasi lethu ele VOA Ndebele.
Lingakhuthwa yilezindaba lezinye kuStudio 7 ngo half past 7 ntambama kumagagasi athi 909 am, 4930, 6065, 15460 laku 13860 kilohertz kuShortwave. Lingakhohlwa ukuthi sikuWhatsapp lakuFacebook ku VOA Ndebele.