WASHINGTON —
Inkampani ye Essar Africa Holdings isiqalisile ukubhadalela abantwana bezisebenzi zayo ezingenelisi ukubhadalela inhlawulo yemfundo.
Izisebenzi ezikhulume leStudio 7 lamuhla zithi inkampani le ibhadalela abantwana bonke abasezikolo okwethemu elilodwa lezemfundo eliphela ngoNcwabakazi.
Zithe inkampani yaMandiya le eyathenga iZimbabwe Iron and Steel Company, eyabhidlika ngomnyaka ka2008, iyehluleka ukubhadala iholo okwenza ukuthi abantwana baxotshwe ezikolo.
Izisebenzi lezi ziphinde zathi inkampani le isiyehlulekile ukubhadala iholo lezisebenzi okweminyaka emine loba nje zaziphiwa gqho okuyigcosana.
Ezinye ezacina ukuthola imadlana ngoMpalakazi lamuhla ziphiwe amatshumi amahlanu amadollar eMelika.
Uhulumende uthi usezama ukuthi kuvuselelwe inkampani le ukwenzela ukuqalisa ukukhanda insimbi eRedcliff.
Uhulumende ukhala ngokuthi isivumelwano eyasenza leEssar Africa Holdings sasizakwenza ukuthi ilizwe lilahlekelwe ngokwenjiwayo okunengi.
Omunye wezisebenzi lezi UMnu. Takura Chikwiri uthe inkampani le ibambisana lohulumende izabhadala njalo izikwelede zamabhanga ezathathwa yizisebenzi eCommercial Bank of Zimbabwe.
Kodwa-ke uMnu. Japhet Moyo unobhala jikelele wenhlanganiso yezisebenzi uthe akulaqiniso ukuthi uhulumende uzancedisa njani inkampani le njengoba engela mali.
Izisebenzi ezikhulume leStudio 7 lamuhla zithi inkampani le ibhadalela abantwana bonke abasezikolo okwethemu elilodwa lezemfundo eliphela ngoNcwabakazi.
Zithe inkampani yaMandiya le eyathenga iZimbabwe Iron and Steel Company, eyabhidlika ngomnyaka ka2008, iyehluleka ukubhadala iholo okwenza ukuthi abantwana baxotshwe ezikolo.
Izisebenzi lezi ziphinde zathi inkampani le isiyehlulekile ukubhadala iholo lezisebenzi okweminyaka emine loba nje zaziphiwa gqho okuyigcosana.
Ezinye ezacina ukuthola imadlana ngoMpalakazi lamuhla ziphiwe amatshumi amahlanu amadollar eMelika.
Uhulumende uthi usezama ukuthi kuvuselelwe inkampani le ukwenzela ukuqalisa ukukhanda insimbi eRedcliff.
Uhulumende ukhala ngokuthi isivumelwano eyasenza leEssar Africa Holdings sasizakwenza ukuthi ilizwe lilahlekelwe ngokwenjiwayo okunengi.
Omunye wezisebenzi lezi UMnu. Takura Chikwiri uthe inkampani le ibambisana lohulumende izabhadala njalo izikwelede zamabhanga ezathathwa yizisebenzi eCommercial Bank of Zimbabwe.
Kodwa-ke uMnu. Japhet Moyo unobhala jikelele wenhlanganiso yezisebenzi uthe akulaqiniso ukuthi uhulumende uzancedisa njani inkampani le njengoba engela mali.