amalinks wokungena

Breaking News

Inkantolo Ilahle Icala Lababili Ababikwa Bathumeza Umfanekiso kaMnangagwa Ebhunyumunyu


APTOPIX Zimbabwe Independence Celebrations
APTOPIX Zimbabwe Independence Celebrations

Umthethwandaba kamantshi usulahle icala lokuthuka uMongameli Emmerson Mnangagwa ebelisetheswa izakhamizi zeBeitbridge ezimbili.

Inhlanganiso yeZimbabwe Lawyers for Human Rights ithi umantshi uTakudzwa Gwazemba ususe uSarudzayi Ambiri Jani loRemember Simbarashe Ncube kugwalo lwabasolwa, olwe-remand ngemva kokwehluleka kukahulumende ukuthonisa icala labo okomnyaka.

Ababili laba babotshwe nyakenye ngoNhlangula besetheswa icala lokuthumeza umfanekiso kaMnangagwa enqunu enkundleni yeWhatsApp.

Banengi asebebotshelwe amacala okuthuka kumbe ukweyisa uMnangagwa selokhe engine embusweni ngemva kokugenqula uMnu Robert Mugabe ngo2017.

Ngeziki edluleyo kubotshwe ipholisa ngemva kokutshela abasekeli beZanu PF ukuthi ilizwe leZimbabwe libolile njalo loMnangagwa uyehluleka ukuvuselela umnotho.

Le yinto eyasolwa ngamagqwetha kanye labakhankasela ukulondolozwa kwamalungelo kazulu besithi kuveza sobala uchuku lombuso kaMnagagwa.

Unobhala jikelele webandla leZapu uMnu Mthulisi Hanana utshele iStudio 7 ukuthi uyayisekela isinqumo sikamantshi ngoba kungasilo cala ukuthuka uMongameli.

please wait

No media source currently available

0:00 0:03:06 0:00

XS
SM
MD
LG