Umthethwandaba weHigh Court usunqume ukuthi obaba balelungelo lokuthathela abantwababo ama-birth certificates bebodwa nxa onina besala kumbe bengaziwa ukuthi bangaphi.
Ihofisi kamsitheli ibisala ukuthi obaba bathathise abantwababo abazelwe ngaphandle komtshado incwadi zokuzalwa onina babantwana bengekho.
Isinqumo lesi sethulwe ngumahluli weHigh Court uJustice Owen Tagu ngoMvulo phezu kodaba olwakhwezwa ngowesilisa uMnu Benard Tashu kanye lowela amalungelo abantwana uPetronela Nyamapfende.
Ababili laba babesithi ihofisi kamsitheli kumele ilandela umthetho weBirth and Death Registration Act, wona ovele usipha abesilisa ilungile lokuthathisa abantwana incwadi zokuzalwa ngaphandle kwabonina nxa besala kumbe bengabonakali.
Udaba lolu beluphethwe ngabeZimbabwe Human Rights NGO Forum kanye labehlanganiso yeJustice for Children Trust.
Isiphathamandla senhlanganiso yeBulawayo Progressive Residents Association uMnu Thembelani Dube utshele iStudio 7 ukuthi isinqumo lesi sihle kakhulu ngoba siqakathekisa amalungelo abantwana.
