amalinks wokungena

Breaking News

Inkhokheli Zomdabu EMatabeleland South Zikhuthaza Abavela Kwamanye Amazwe Ukuthi Beqale Bayehlolwa iCOVID 19 KumaQuarantine Centers


Coronavirus

Inengi labahlaselwe ligciwane leCoronavirus esabelweni seZansi yeMaNdebele yizizalwane zeZimbabwe ezivelela emazweni angabomakhelwane abalisa eleSouth leleBotswana.

Inkokheli zomdabu eZansi yemaNdebeleni sezithethe amanyathelo okuvimbela ukumemetheka kwegciwane leCoronavirus ngokukhuthaza labo abachapha imngcele ngokungekho emthethweni bevela phetsheya ukuthi beqale bayezibika emapholiseni kumbe kwabezempilakahle bengakemukelwa emakhaya. Lokhu kuza ngesikhathi inani lasebebuliwe ngumkhuhlane weCovid 19 lilokhu liqonga.

Inengi labahlaselwe ligciwane leCoronavirus esabelweni seZansi yeMaNdebele yizizalwane zeZimbabwe ezivelela emazweni angabomakhelwane abalisa eleSouth leleBotswana.

Kodwa osekutshiye inengi lezakhamizi kulesisabelo zidlela evalweni yikuthi inengi labantwababo abaphetsheya bachapha imngcele ngokungeko emthethweni okulakho ukumemethekisa igcikwane leCoronavirus emakhaya.

UNkosikazi Gladys Manala Moyo, obona ngezempilakahle esigabeni seBuvuma, uthi ukhathazekile ngalabo abangena elizweni ngokungekho emthethweni.

UMnu. Mkhululi Ndlovu oyisakhamuzi sePaye uthi esigabeni sabo sebehlala bevule amehlo beqaphele labo abavelela kwamanye amazwe ngokungekho emthethweni.

Izizalwane zakuleli eziphindele elizweni zivela kwamanye amazwe ngokusemthethweni zahanjiswa kuma quarantine centres lazo bezibaleka zikhala ngephango.

UMnu. Nathaniel Moyo, ongusobhuku weNdibe village eSinai kuWard 18, uthi okunye okudale ukuthi abantu bebaleke kuma quarantine centres yikuhlanganiswa kwalabo abalegciwane labangelalo.

Uthi njalo sebethethe amanyathelo okuvimbela ukumemetheka kwegciwane leCoronavirus eSinai.

Ngokufanayo eKalange lakho sebethethe inyathelo leli, kutsho usobhuku uMnu. Gilbert Phida.

UNkosazana Cleopatra Ndlovu nguEnvironmental Health Technician eBuvuma, uthi izakhamizi kumele zihlale ziqaphele leligciwane.

Abesifazana esixoxe labo bathi kuzakuba nzima ukuthi babuyisele emuva abantwababo lapho bethe baphindela bevela phetsheya.

Kusenjalo, isiphala sengwalo ese Edward Ndlovu Memorial Library sesinikeze izakhamizi ezifika phose amakhulu amathathu izaheka, ama masks, kanye lemithi yokugeza izandla ukuze zizivikele kugciwane leCoronavirus.

UNkosikazi Vivviene Thandekile Moyo osaphethe isihlalo somqondisi weEdward Ndlovu Memorial Library uthi bakhathazekile ngenhlalakahle yezakhamizi ngalesi isikhathi sokumemetheka kwegciwane leli.

Ugatsha lukahulumende olwezempilakahle luthi sebengamakhulu amahlanu lamatshumi ayisikhombisa lasithupha 576 asebetholakale belegciwane leCorona kuthi phakathi kwabo abangamakhulu amane lamatshumi amathathu lasithupha 436 sebesilile esigabeni seMatabeleland South.

please wait
Embed

No media source currently available

0:00 0:06:07 0:00


Facebook Forum

XS
SM
MD
LG