Ukususwa esihlalweni okwenziwe uMongameli Omar Al Bashir wakwele Sudan sokutshiye inkokheli eyalela esikhundleni kuzwekazi le Africa isidlela evalweni.
Kwaqala ngoMnu. Robert Mugabe ngomnyaka ka 2017.
Kambe olandelayo kungaba nguMongameli Yoweri Museveni wase Uganda, uMongameli Paul Biya we Cameron, kumbe uMongameli Teodoro Obiang Nguema wele Equatorial Guinea, mhlawumbe kube nguMongameli Idriss Deby we Chad kumbe uMongameli Dennis Sassou Nguesso wele Congo?
Kuqhamuke ukujabula namhla kwele Sudan kodwa umbuzo okhona ngothi akusoze kufane na le Zimbabwe abantu asebekhala ngebutho elabaphathisayo ukususa umongameli owayengasafuni ukusuka?
Ukuhlaziya loludaba sixoxe lengcwethi ecubungula ezombusazwe, uMnu. Mlamuli Nkomo endawonye lesiphathamandla sebandla le Zanu PF, uMnu. Joseph Tshuma onguye osungula lingxoxo.