amalinks wokungena

Breaking News

Inkokheli yeMDC-T Esigabeni seMatabeleland Isixokozela Phezu Kwesikhundla Somsekeli kaMongameli


Enye inkokheli ye MDC-T ekhangelelwe ukuthatha isikhundla sikamsekeli ka Chamisa

Kulezinye iziphathamandla zebandla le MDC-T esezikhankasela isikhundla sokuba ngabasekeli bebandla leli.

Lanxa kungela sivumelwano sokuba omunye wabasekeli kumele avele esigabeni seMandebeleni kusobala kuzulu ukuba mpela omunye wabasekeli bakaMnu. Nelson Chamisa abe ngovela esigabeni lesi.

Ngalokho ezinye iziphathamandla ziphakathi komkhankaso onzima owokudinga lesi sikhundla. Izixhenxe zabakhona kulandela ukuxotshwa kukaNkosazana Thokozani Khuphe lokuphakamiswa kukaMnu.

Nelson Chamisa, obengomunye wabasekeli bakamongameli ukuthi akhokhele lelibandla.

Ababikwa befuna lesi sikhundla babalisa uMnu. Felix Magalela Mafa Sibanda, umgcinisihlalo wesigaba sako Bulawayo, uMnu. Gift banda njalo ongumsekeli kameya wedolobho lako Bulawayo, uNkosaza Thabitha Khumalo kunye loMnu. Bekithemba Mpofu.

Sioxe loMaKhumalo, onguye osaphethe isikhundla sesikhulumeli sebandla leli othi kungaphandle kwesisekelo sebandla ukukhankasela lesi sikhundla ngoba asivotelwa kodwa umongameli nguye okhethayo.

“Sonke siyazi ukuthi njengebandla elikhokhelwa ngubaba uChamisa udaba lwabasekeli lucacile ukuthi bakhethwa njani. Sonke siyazi ukuthi owayengumongameli webandla uMnu. Morgan Tsvangirai eze akhethe uChamisa loMnu. Mudzuri wasiwa emthethwandaba kodwa wakubona ukuba ubaba uTsvangirai wayekhethe okusemthethweni kukhona kusisekelo sethu,” kutsho uKhumalo.

please wait

No media source currently available

0:00 0:02:31 0:00

Facebook Forum

XS
SM
MD
LG