amalinks wokungena

Breaking News

INkosi YabeLozwi Entsha uMambo uMike Moyo Wethulwa Emphakathini


 Inkosi yabeLozwi entsha uMambo, uMnu Mike Moyo owethulwe emkhosini owenzelwe eMawabeni
Inkosi yabeLozwi entsha uMambo, uMnu Mike Moyo owethulwe emkhosini owenzelwe eMawabeni

INkosi yabeLozwi uMambo uMike Moyo uvezwe empakathini emkhosini owenzelwe eMawabeni eZansi yeMaNdebeleni wangenwa zinduna zempumalanga ezifika amatshumi ayisikhombisa.

Inkosi yabeLozwi entsha uMambo, uMnu. Mike Moyo
Inkosi yabeLozwi entsha uMambo, uMnu. Mike Moyo

UMambo uMike Moyo uzelwe eMawabeni ngomnyaka ka 1968 wafunda khona ngemva kokuba aphume kuleli esiya eSouth Africa lapho afike waqala inkampani yabonogada.

Ekhuluma emkhonsini osanda ukuqhutshwa uMnu Bekezela Bhekimpi Nyathi oyisithunywa seNkosi uthe kwafika untombazana oleminyaka elitshumi lantathu kuMambo Moyo ngomnyaka ka2018 ezombikela ukuba ukhethwe ngabaphansi ukuba yinkosi yabeLozwi.

Inkosi yabeLozwi entsha uMambo, uMnu Mike Moyo
Inkosi yabeLozwi entsha uMambo, uMnu Mike Moyo

"UMike ubukhosi kumbe ukuba yiNkosi kazikhethelanga ukhethiwe lidlozi lehlabathi, long live Mambo long live."

UMnu. Mike Moyo uthi lumkhosi ubungowokuthakazelela usuku lukaMambo kwasekuhlangana lokuthi avezwe emphakathini.

"Ilanga likaMambo kusuke kwenzeka ukuthi kuvezwe futhi Inkosi ivezelwa abantu mina ke ngiyi direct descendant of the last King, ngizelwe ngiyiNkosi besingagcobi but Inkosi ibikhona kodwa ifihliwe."

Kuphatheke induna ezinengi ezempumalanga kulumkhosi njalo leNkosi yamaNdebele uBulelani okaLobengula laye udlule ephosa ilihlo.

"We are cultural in our nature and sicultural nje kumele sisupporte konke nje okucultural so this was one of the events we thought hayi kumele nje siyophosa ilihlo sibonise isizwe ukuthi we are not in a fight."

Emkhosini wokwethulwa kweNkosi yabeLozwi
Emkhosini wokwethulwa kweNkosi yabeLozwi

Umlobi wengwalo zembali uMnu Phathisa Nyathi laye ubekhona kulumbuthano njalo uthi ukuvezwa kwenkosi yabeLozwi lokhu kuyajabulisa.

"Kuyinto ke esiyithabelayo,esiyibongelayo esithemba ke ukuthi obekiweyo ukuba ngumthunzi lamuhla uzabahlonipha abantu abamhloniphileyo beze kundawo zonke zelizwe."

Ilunga ledale lephalamende elimmela iMzingwane uMnu Levi Mayihlome uthi ukuvezwa kweNkosi yabeLozwi kuzaletha intuthuko esigabeni sakhe.

"Siyahlonipha kakhulu ukuthi uMzingwane uhlonitshiweyo ngokusipha Inkosi, ngingu MP wakuqala ukuzigqaja ukuthi inkosi ezimbili zihlangene eZimbabwe zikhuluma ngokwakha lokuthandana.Sekulula ukuthi idevelopment izakubakhona ngoba okubanjwe yinkosi kuvele kuyahamba kuyaphambili."

Emkhosini wokwethulwa kweNkosi yabeLozwi entsha
Emkhosini wokwethulwa kweNkosi yabeLozwi entsha

UMambo uthi uzalwisa ukuthi isisekelo sombuso sinanzelele njalo sihloniphe ukubakhona kweNkosi kuleli.

please wait

No media source currently available

0:00 0:03:54 0:00


XS
SM
MD
LG