amalinks wokungena

Breaking News

Inkulungwane Zabasekeli beMDC Alliance Zitshengisele eHarare Phezu Kokhetho


MDC Alliance Rally

Inkulungwane zabasekeli bamabandla akumanyano weMDC Alliance zitshengisele eHarare ngoLwesibili zisola iZimbabwe Electoral Commission (ZEC) ngokwala ukulungisisa izikhalazo zalumanyano eziphathelane lokhetho.

Umkhokheli walumanyano uMnu Nelson Chamisa nguye okhokhele ukutshengisela lokhu besiya emahofisini eZEC ukuyayinikeza izikhalazo zabo.

UChamisa utshele inkulungwane zabasekeli bakhe lezi ukuthi akula ndlela ukhetho oluzayo olungaba ngolukhululekileyo nxa ikomishini yezokhetho ingala kokuphela ukulungisisa izikhalazo zayo.

Izikhalazo lezi zigoqela esokuthi bonke abake basebenza kubutho kumbe abalokhu beqhatshwe libutho kodwa besebenzela iZEC kumele baxotshwe umsebenzi.

please wait

No media source currently available

0:00 0:04:48 0:00

IMDC Alliance ithi ifuna njalo ukwazi ukuthi iphepha lokuvota lidindwa ngubani njalo ngaphi. Ithi lokhu kuqakathekile ngoba kulapho okungaba lokuqilibezela khona kukhetho.

Ibandla eliphikisayo elibikwa lisekelwa nguMnu Robert Mugabe eleNational Patriotic Front lalo liphathekile ekutshengiseleni lokhu lapho isikhulumeli salo uMnu Jelousy Mawarire aveze ukuthi labo bazasekela uChamisa kukhetho lokudinga uMongameli welizwe.

“Nxa singangena kukhetho singalungisisanga ubugwelegwele obukhona khathesi ngendaba zokhetho kakungeke kulunge,” kutsho omunye obetshengisela uMnu Jabulani Ndlovu.

NgoLwesithathu abasekeli beZanu PF labo bakhangelelwe ukutshengisela eHarare njengendlela yokuveza usekelo lwabo kuMongameli Emmerson Mnangagwa ngaphambilini kokhetho oluzakwenziwa mhlaka30 ngoNtulikazi.

Facebook Forum

XS
SM
MD
LG