amalinks wokungena

Breaking News

Idale leNominations Court eleMat North Lihlale koBulawayo


Idale leNominations Court koBulawayo

Abafuna ukuncintisa ekhethweni bemele idale lephalamende le Matabeleland North bebehlanganele koBulawayo njalo bathi kungcono ukuhlangana koBulawayo ngoba imigwaqo lendlela zokuhamba eziqintini zeMatebeleland North zikhatshana lakhatshana.

Ukhomishina weZEC unkosikazi Sibongile Ndlovu uthi bebekhangelele ukuthi idale lihlale eLupane kodwa ngenxa yokusweleka kwendawo kukhethwe iBulawayo. Ebuzwe ukuthi kuzakwenziwani ngabantu abazaqeda ebusuku bevele emaphandleni

"Sizavumelana sonke ukuthi bekufanele ihlale eLupane kodwa okunye kukhangelwa amafacilities okusebenzela mhlawumbe bakhangele icourt eLupane babona kuyindawo encane. Uyabona iZEC isebenza ngomthetho ngakho nxa kungatshaya u4 siyavala sibesesisebenza amaphepha abantu abaphakathi".

Unkosikazi Ndlovu ubuzwe njalo ukuthi bazagcwalisa na isithembiso ngokunikeza abantu abaphumeleleyo i Voters Roll wathi uthemba ukuthi izakwenza lokho.

I ZEC iomlandu kulandela I Constituion ukuthi inike abaphumeleleyo lapha iVoters roll, ngikholwa ukuthi izakwenza lokho.

Umnumzana Abednigo Bhebhe
Umnumzana Abednigo Bhebhe


Umnumzana Abedinico Bhebhe owebandla le MDC- T uthi uhlelo lwenomination court luthatha isikhathi eside ekhalaza njalo ngokusweleka kweVoters roll.

"Okwanamhlanje esingakutsho yikuti uhlelo lolu luyaphuza kakhulu njalo alusoze lwaphela ngo 4, okwesibili asitholanga ivoters roll kodwa sizamile imzamo yokuthola amaregistration slips ukuthi sithole abantu ababhalisele ukuvota".

Unobhala jikelele webandla le MRP, umnumzana Ackim Mhlanga usole uhlelo ethi luyaphuza. Usole njalo amakhansili abesephoxa abafuna ukuncintisa ukuthi baqale babhadale imthelo yekhansili bengakabhaliseli ukuncintisa.

"Silapha e wetern Commonage lapho esifaka amaphepha alabo abafuna ukuncintisa kodwa kuyaphuza kakhulu, besegithole imbiko mayelana lekhansili ye Victoria Falls kanye le Tsholotsho ebisiphoqa abantu ukuthi babhadale umthelo wekhansili phambilini kokubhalisela ukuncintisa".

Unkosikazi Roseline Nkomo owake waba lilunga ledale le phalamende, laye ubezobhalisela ukuncintisa ekhethweni ngaphansi kwebandla lePRC uthi lonyaka kungcono kakhulu isiphithiphithi ngenxa yokuthi IZEC iqale uhlelo lolu kuviki edluleyo.

"Kuhamba kuhle kakhulu esikubongelayo yikuthi sekulensukwana kuqalisile ngakho kwenze umthwalo waba lula unlike the previous 2013 kwakugcwele eTredgold kugcwele kakhulu. Ngihlengafaka elami iphepha izolo".

Kusenjalo idale leNomination Court yekhansili yakoBulawayo lihlalile njalo abantu abangaphezu kwamakhulu amahlanu bebebuthene eCouncil Chambers belande ukuzofaka amaphepha abo. Isimanga yikuthi iBulawayo ilamaWard angamatshumi amabili lesitshiyagalo lunye- 29.

Idale leNominations Court koBulawayo
Idale leNominations Court koBulawayo


Isikhathi sokuvala kwedale leNomination Court sabo sifike IZEC ilokhe ingakaqedi ukuhlola amaphepha abafuna ukuncintisa ekhethweni njalo ibikwa izaqhubeka isebenza kuze kube phakathi kobusuku.

please wait

No media source currently available

0:00 0:04:48 0:00

Facebook Forum

XS
SM
MD
LG