amalinks wokungena

Breaking News

Intathelizindaba Zesifazana Zikhuthazwa Ukuloba Indaba Zombusazwe


Young Journalists Association

Linkhuthazo yenziwe ngeyinye yengcwethi ezidumileyo ekwethulweni kwezindaba okwamanye ongumqondisi womsakazo weRadio VOP ose Harare, uMnu. John Masuku lapho egqiba umhlangano wezifundo wentathelizindaba ezisachathulayo ze nhlanganiso ye Young journalists Association (YOJA).

Ingcwethi kwezokwethulwa kwezindaba umsakazi uJohn Masuku
Ingcwethi kwezokwethulwa kwezindaba umsakazi uJohn Masuku


UMasuku uthe abesifazana akusamelanga besabe ukubhala indaba yiloba zaluphi uhlobo.

"Bangaze besaba, bangaze baba lenhloni, abenze abakwenza kwezinye izigaba zelizwe. Bangaze bethi kwakungenziwa kudala abakuqale bona. Ngibona okukhona yikuthi kwavela kwangena egazini ukuthi lokhu kwenzwa ngabesilisa. Lathi njengabazali kufuze sibakhuthaze".

Intathelizindaba zesifazana ezenhlananiso yeYoung Journalists Association
Intathelizindaba zesifazana ezenhlananiso yeYoung Journalists Association



Intathelizindaba esakhulayo, uPascal Madiri uthe abesifazana kumele bakhuthazwe ukubhala indaba ezingacina ziphakamisa abanye babo.

"Engikubonayo yikuthi abesifazana kumele bangatshengisi ukwesaba, kumele babhale ngezombusazwe. Kumele bangatshengisi ukwesaba ikakhulu ngokungabe kukhulunywa ngamadoda abo.

Inhlanganiso yeYOJA imanyene leyeAdvocates for Progress yakwele Melika kuhlelo lokufundisa intathelizindaba ezisachathulayo ngokusakaza lokuloba indaba ngesikhathi sokhetho.
Isikhulumeli seYOJA, uMnu. Leopold Munhende uthe imfundo enikezwe nguMasuku iqakathekile kakhulu.
Enye intathelizindaba esakhulayo, uKudzanai Gerede uthi abesifazana babulawa yikuthi nxa bengabe sebendile kuba nzima ukusebenza bengaqalanga bacela kumbe ukucebisa omkabo lokwesaba udlame lwezombusazwe.

Young Journalists Association
Young Journalists Association


Intathelizindaba zesifazana ngibona lihlutshwa ngokuthi imvumo iqala ivele emadodeni abo. Kube lokwesaba. Lokhu kungenxa yokuthi ezombusazwe zandise ukucina sezilodlakela.
UMasuku uthe kuyahlukumeza ukubona intathelizindaba zesifazana ezingcwethi emsebenzini zikhanya zisesaba njalo zizifihla ekubhaleni lokusakaza indaba ezingeke zabenza zakhuphulwa ezikhundleni zobukhokheli.
Inhlanganiso yeYOJA isungulwe ngomnyaka ophelileyo ngenjongo yokunceda intathelizindaba ezisakhulayo ngokuzifundisa lokuzihlanganisa lengcitshi ezikulu msebenzi.

please wait

No media source currently available

0:00 0:04:15 0:00

Facebook Forum

XS
SM
MD
LG