amalinks wokungena

Breaking News

Intathelizindaba Zetheswa Icala Lokusekela Uhlangothi


Amaphephandaba

Amabandla aphikisayo akhala ngokuthi kulemithetho yokhetho engalandelwayo nguhulumende okubalisa ukungaphiwa amathuba alingeneyo emsakazweni lemaphaphandabeni.

Lokhu bekungokunye kwenjongo yokutshengisela okwenziwe ngumanyano we MDC Alliance ngoMvulo.

Kodwa ngoLwesine umsakazo we ZBC umangalise abanye wasakaza umbuthano weMDC Alliance owokuphawula ugwalo lwezithembiso, imanifesto, okwenziwe eHarare.

Ngemva kombuthano we MDC Alliance owangoMvulo obulenkulungwane lenkulungwane zabantu, umsakazo we ZBC lamaphephandaba kahulumende bakhiphe imbiko ethi bekungelabantu kulumbuthano.

Ukuhlaziya loludaba sixoxe lesiphathamandla sebandla le PDP ekhokhela nguMnu. Tendai Biti, uMnu. Albert Mhlanga endawonye lonobhala jikelele wenhlanganiso yentathelizindaba, iZimbabwe Union of Journalists, uMnu. Foster Dongozi onguye osungula lingxoxo.

“Thina siyakwazi ukuthi uma sokuyisikhathi sokuloba kumbe ukusakaza ngendaba lezi kanengi kulenhlanganiso ezibona ngokuqutshwa kwembiko ezicina sezisetheswa umlandu wokuthi zilohlangothi ezilusekelayo,” kutsho uDongozi.

Umhlanga uvemelane lo Dongozi wengeselela esithi: “Intathelizindaba ziyathatha indaba sibili kodwa nxa sebezikhupha sebezihlanekela.”

Iphephandaba le The Herald lomsakazo we ZBC wethule umbiko othi bekungelabantu embuthwaneni kade uqoqwe ngumanyano we MDC Alliance khona bekulabantu abanengi.

Facebook Forum

XS
SM
MD
LG