Intengo yesinkwa ekhwele ngempelasonto, obekuthiwa nguhlumende yehliswe, iqhubeke ilokhu ingaguqukanga kwamanye amadolobho.
Lokhu kwenzakala intengo yenyama, amafutha okupheka lokunye, iqhubeka ilokhu iqonga ngesikhathi uMongameli Emmerson Mnangagwa esithi impilo izakubangcono phansi kombuso wakhe.
Ingcwethu ezicubungula ezenotho lezombusazwe, zithi lanxa intengo yempahla ivame ukukhuphuka ngalesi sikhathi somnyaka, ikakhulu nxa izisebenzi zikahulumende zithole iholo lesibili, ele bonus, okwalonyaka kwehlukile okukhanya kungaba kubangelwa langokwenzakala e South Africa.
Intengo yenyama leye nkukhu ngenye ekhuphuke okuphindiweyo, inkukhu ibithengwa nge $6 ngeviki edluleyo kodwa kathesi isithengwa nge $16 kwezinye indawo.
Uzulu ubekhangelele ukuthi umumo ube nganeno kulandela usizo lwemali elibhiliyoni elilodwa lengxenye olwaphiwa uhulumende weZimbabwe libhanga le Afreximbank.
Umongameli Mnangagwa uthi kulobugobvu ekukhwezweni kwentengo yempahla ezitolo okungamelanga kuqhuebekele phambili. Ubekhuluma lokhu izolo eHarare embuthwanweni wokukhuthaza uzulu ukuthi athenge impahla elungiswe elizweni, owe Buy Zimbabwe Campaign.
