amalinks wokungena

Breaking News

Intengo Yemphahla Ikhuphuka Kakubi eZimbabwe

  • Gibbs Dube

Uzulu ukhala ngokuthi intengo yempahla etshiyeneyo iqalise ukuqonga ngoMgqibelo kulandela ukukhwezwa komthelo weExcise Duty yamafutha ezimota nguhulumende ngeviki ephelileyo.

Izakhamizi ze Harare, Gweru, Bulawayo lemavinkilini amakhulu eLupane zithi intengo yetshukela okungumgodla okuyisilinganiso samakilograms amabili ikhuphuke isuka ku$2.20 yayafika ku $2.50.

Intengo yempuphu yohlobo lweRoller Meal umgodla oyisilinganiso samakilograms afanayo ikhuphuke isuka kumadollar ayisithupha - $6 yafika kumadollar ayisikhombisa - $7.

UMnu. Kennie Mpofu isakhamuzi se Lupane esabelweni se Matabeleland North uthi zinengi izitolo esezikhuphule intengo yempahla etshiyeneyo.

please wait

No media source currently available

0:00 0:01:55 0:00
Lapho esitholakala khona

UMpofu uthe abantu abanengi kabasenelisi ukuthenga abakufunayo ngenxa yokuthi kabalamali.

UMnu. Joseph Nkomo othengisa esitolo eLupane utshele iStudio 7 ukuthi intengo yempahla ikhuphuke okutshiyeneyo.

please wait

No media source currently available

0:00 0:01:55 0:00
Lapho esitholakala khona

UNkomo uthe kuphuphuke kanye lentengo yamanamunede, inyama, amakhukhisi lezinye ezifela emlonyeni.


Unkosikazi Rosemary Siyachitema umqondisi we Consumer Council of Zimbabwe uthi intengo yempahla enengi ikhangelelwe ukuqonga esikhathini esifitshane esilandelayo ngenxa yokukhuphuka komthelo wamafutha ezimota.
please wait

No media source currently available

0:00 0:02:14 0:00
Lapho esitholakala khona
XS
SM
MD
LG