amalinks wokungena

Breaking News

Iqembu lePakistan Liqhubeke Lizithaphuzela eleZimbabwe kuKhilikithi


Iqembu lezivakatshi ele Pakistan liqhubekela phambili lizithaphuzela ele Zimbabwe kumncintiswano wemidlalo eyohlobo lwe One Day International oqhutshelwa edolobheni lako Bulawayo njalo selikhokhela nge 4 ka nya ngemva kokuba linqobe kuyo yonke imidlalo esidlaliwe kwemihlanu okumele idlalwe yilawa maqembu.
Indlela iqembu le Zimbabwe elidlala ngayo kulumncintiswano isiyenze ukuthi iqembu le Pakistan lilobe kakutsha imbali yomdlalo kakhilikithi njengoba namhla libuthelele ama runs angu 399 okulinani eliphezu kwawo wonke eseliyake liwathole nxa lidlala umdlalo we One Day International.
Umdlali we Pakistan uFakhar Zaman laye uzenzele imbali yakhe emdlalweni kakhilikithi ngokutshaya ama runs angamakhulu amabili letshumi elilodwa.
Isizalwane selizwe le Zimbabwe esingomunye wabaqeqetshi beqembu le Pakistan uGrant Flower, owayedlalela iqembu leZimbabwe kudala, utshele intathelizindaba ukuba kuyamdanisa ukubona iqembu leli selingumthatshuzwa.
Kuyadanisa njalo kungizwisa ubuhlungu ukubona iqembu le Zimbabwe lidlala ngalindlela kodwa ngiyakubona ukuba abadlali bayazama ngamandla abo wonke kodwa kusuka kube nzima ukudlala kuhle nxa kulokunengi okusilelayo.
Ilizwe le Zimbabwe lilabadlali abalethalenta njalo isifiso sami ngesokuba aluba kuba lokukhumisana umlotha labadlali abayala ukudlala kulumncintiswano kuqedwe ingxabano ekhona phezu kweholo.
Iqembu le Zimbabwe lele Pakistan azadibana emdlalweni wesihlanu njalo ungowokucina kulumncintiswano ngeSonto khona njalo futhi enkundleni yase Queens Sports Club esedolobheni lako Bulawayo lapho iqembu le Zimbabwe elikhengelelwe khona ukuba lilwise ukuvikela ukuba lingatshaywa nge 5 ka nya.

Sikhangele umdlalo wenguqu.
Iqembu labafana abaleminyaka engaphansi kwelitshumi lesikhombisa elimela elizwe emdlalweni wenguqu litshaywe nge 3 ka 2 ngabosowabo abase Swaziland emdlalweni wabo wakuqala kumncintiswano we COSAFA Under 17 Tournament oqhutshelwa elizweni le Mauritius.
Abahlohlele iqembu le Zimbabwe ngu Methuseli Ngwenya kanye lo John Bonomali.

please wait

No media source currently available

0:00 0:02:16 0:00

Facebook Forum

XS
SM
MD
LG