amalinks wokungena

Iphalamende Ihluza Udaba Lwababalisi Abakhuluma IsiShona eBinga

  • Ntungamili Nkomo

Udaba lwababalisi abafundisa abantwana be-primary ezigabeni ezikhuluma indimi abangazikhulumiyo luqhubeka luhlupha elizweni njalo ngoLwesine luphathwe lidale lephalamende.

Ummeli weBinga South, uMnu Joel Gabuza, utshele lelidale ukuthi ababalisi abanengi esigabeni sakhe bakhuluma ulimi lwesiShona, okwenza kube nzima ukuthi bazwisisane kuhle labafundi.

Abantu abanengi eBinga bakhuluma ulimi lwesiTonga.

UGabuza uthe esikhathini esinengi abantwana yibo asebefundisa ababalisi ulimi lwabo ukuze bezwisisana kuhle, khona ababalisi kuyibo abamele bafundise abantwana.

Udaba lolu sokukhulunywe ngalo kanengi ikakhulu eMatabeleland.

Asenelisanga ukukhuluma lomphathintambo obona ngezemfundo uMnu. Lazarus Dokora ngaloludaba.

Kodwa ilunga ledale lephalamende njalo engowebandla leMDC-T, uNkosazana Thabitha Khumalo, utshele iStudio 7 ukuthi sebekhulume badinwa kuhulumende ngaloludaba.

Facebook Forum

XS
SM
MD
LG