WASHINGTON DC —
Kulepholisa elibotshiweyo lisetheswa icala lokuthuka uMongameli Emmerson Mnangagwa ngemva kokutshela abasekeli beZanu PF ukuthi ilizwe libolile njalo uMnangagwa uyehluleka ukuvuselela umnotho.
Inhlanganiso yamagqwetha alwela amalungelo oluntu, iZimbabwe Lawyers for Human Rights, ithi umsolwa nguMnu Maxwell Guvava.
Asenelisanga ukukhuluma lesikhulumeli samapholisa uMnu Paul Nyathi.
Banengi asebebotshiwe, abagoqela amapholisa besetheswa amacala okuthuka kumbe ukweyisa uMongameli Mnangagwa.
Abalwela amalungelo oluntu bayakusola kakhulu lokhu besithi kuveza sobala ububi bombuso kaMnangagwa.