amalinks wokungena

Breaking News

Iqembu le$20 Movement Linceda AbakuDiaspora Lapho Befelwe


$20 Movement
$20 Movement

Esigabeni lapho esikhangela ngokwenziwa yizizalwane zeZimbabwe esezihlala kwamanye amazwe, liviki silethulela uNkosikazi Senelisiwe Nyoni Simpson okhokhela iqembu elibizwa ngokuthi yi$20 Movement.

Unkosikazi Senelisiwe Nyoni Simpson
Unkosikazi Senelisiwe Nyoni Simpson

Leli liqembu elasungulwa ngenjongo yokuthi abantu bahlanganele ndawonye, bancedisane ngemali lapho esinye isizalwane seZimbabwe esesihlala eMelika singafelwa ngowemuli, ngokutshayelana amatshumi amabili amadola-$20, yikho ibizwa ngegama lelo.

Ngenxa yokuba banengi asebethe bangena kuleli qembu, sebesedlula amakhulu amabili, amalunga wonke engatshaya imali encane engange $20, ofelweyo ucina ethola inkulungwane ezine zamadollar-$4,000.

UMaNyoni babumba leli qembu ngokunanzelela udubo lokuswela imali olubhekana labanengi abadabuka eZimbabwe asebehlala kwamanye amazwe lapho sebebhujelwe. Inengi liswela yona eyokugada indizamtshina ukuze bahambe bayengcwaba umzali ekhaya bakhethe ukuthumela enlutshwana abayabe belayo ukuphathisa indleko zomngcwabo.

“Okwangenza ngiphume lomcabango wokubumba leli qembu yikuthi ngabhujelwa ngumnawami, owagula isikhathi esifitshane nje, wahle watshona eseSouth Africa. Khonapho umama wayengethekelele engapha eMelika. Kwabanzima ukuthi ngibuthanise imali hatshi eyomngcwabo kuphela kodwa lokuthi sigade mina lomama sigade sisiya ekhaya ngoba kwakungasoze kwenze vele ukuthi sonke sibabili singabi khona emngcwabeni,” kutsho uMaNyoni.

Ingxoxo loNkosikazi Senelesiwe Nyoni Simpson weqembu le$20 Movement
please wait

No media source currently available

0:00 0:04:07 0:00
XS
SM
MD
LG