amalinks wokungena

Breaking News

Iqembu leChicken Inn Linqoba eleMutare City


Uqeqetshi weqembu leChicken Inn, uJoey Antipas.
Uqeqetshi weqembu leChicken Inn, uJoey Antipas.

Iqembu leChicken Inn linqobe ele Mutare City nge 2 ka 1 emdlalweni obusenkundleni yeLuveve ngoLwesine.

Ohlohlele iqembu leChicken Inn nguDarryl Nyandoro.

Limpumela itsho ukuba iqembu leChicken Inn selilemiklomelo eyisikhombisa ngemva kokudlala imidlalo emithathu.

Umqeqetshi weqembu leChicken Inn, uJoey Antipas, utshele intathelizindaba zemidlalo ekupheleni komdlalo ukuba iqembu lakhe kumele lilungisise phambili ngoba abagadli bakhe bedlalisa amathuba abawatholayo.

“Sidlale kuhle sibili kodwa okumele sikulungisise yikuthi nxa singafika phambili sihlohle ngoba akusizi ukuba sibe sifika phambili kodwa singahlohli yikho kuzamele silungisise phambili.”

Kweminye imidlalo edlalwe ngoLwesine, iqembu leBulawayo City libe ngutshiki lobhanqa leqembu leBulawayo Chiefs emdlalweni obusenkundleni yeBarbourfields, iqembu leNgezi Platinum linqobe ele Dynamos nge 1 ka nya, ele CAPS United libe ngutshiki lobhanqa 0 ka 0 lele FC Platinum, Iqembu le ZPC Kariba linqotshwe ngele Herentals nge 1 ka nya, ele Yadah linqobe ele Black Rhinos nge 3 ka 1 kuthi iChapungu leHarare City zibe ngutshiki lobhanqa 1 ka 1.

Imidlalo yeviki lesithathu iqhubekela phambili kusasa lapho iqembu leHighlanders elizadibana khona lele Triangle enkundleni yeBarbourfields kuthi ele Shabanie Mine lizadlala lele Nichrut ngase Maglas.

Udaba Esilethulelwe NguJoseph Njanji
please wait

No media source currently available

0:00 0:01:23 0:00

XS
SM
MD
LG