amalinks wokungena

Breaking News

Iqembu leDynamos Linqoba Okwakuqala Kumidlalo yePremier Soccer League


Umdlali we Dynamos

Intathelizindaba yethu yezemidlalo uJoseph Njanji usipha impumela yemidlalo yenguqu eyesigaba se Castle Premier Soccer League edlalwe ngeSonto.

Iqembu le Dynamos linqobe okwakuqala kumncintiswano walonyaka owe Castle Premier Soccer League lapho litshaya ele Bulawayo City nge 2 ka 1 emdlalweni oqhutshelwe enkundleni ye Rufaro.

Iqembu le Dynamos lihlohlelwe ngu James Marufu kanye lo Blessing Moyo kuthi ele Bulawayo City lihlohlelwe ngu Nhlanhla Ndlovu.

Limpumela itshiye iqembu le Dynamos lilemiklomelo eyisithupha njalo likhuphuke lisuka emsileni wengalane yemiklomelo layahlala endaweni yetshumi lanhlanu kuthi ele Bulawayo City lisendaweni yesibili nxa usuka ngaphansi lilemiklomelo emine ngemva kwemidlalo eyithoba minwe mbili.

Umlandeli weqembu le Bulawayo City uDenzil Dube uthi sekumele iqembu le Bulawayo City lizame omunye umqeqetshi

Umqeqetshi uDodo nguye obeqeqetsha iqembu le Tsholotsho nyakenye ngesikhathi ligunyulwa kusigaba se Castle Premier Soccer League.

Komunye umdlalo odlalwe namhla iqembu le Triangle linqobe ele Chapungu nge 3 ka 1 emdlalweni odlalelwe enkundleni ye Gibbo.

Abahlohlele iqembu le Triangle ngu Delic Murimba, uLameck Nhamo kanye lo Phenias Bamusi kuthi iqembu le Chapungu lihlohlelwe ngu Philip Marufu.

Iqembu le Triangle likhuphuke layahlala endaweni yesine lilemiklomelo elitshumi lesithupha kuthi ele Bulawayo City lisendaweni yesibili nxa usuka ngaphansi lilemiklomelo emine.

please wait

No media source currently available

0:00 0:01:38 0:00

Facebook Forum

XS
SM
MD
LG