amalinks wokungena

Breaking News

Iqembu eleFC Platinum Selikhokhela Kungalane yePSL


Abadlali abeqembu ele FC Platinum bathakazelela ukuhlohla ibhora
Abadlali abeqembu ele FC Platinum bathakazelela ukuhlohla ibhora

Iqembu le FC Platinum linqobe ele Highlanders nge 1 ka nya ngoMgqibelo lakhuphula inani lemiklomelo yalo yaya kumatshumi amane lane (44) ngemva kokuba selidlale imidlalo elitshumi lesikhombisa.

Limpumela itsho ukuba iqembu leli selitshiye lelo ebelikhokhela okwesikhathi eside phezu kwengalane ele Ngezi Platinum ngemiklomelo emihlanu ngemva kokuba ele Ngezi linqotshwe nge 2 ka 1 ngele Black Rhinos okungokwesithathu litshaya phansi ngenkamanzi imidlalo ilandelana.

Iqembu le Ngezi lilemiklomelo engamatshumi amathathu lathoba minwe mbili kuthi endaweni yesithathu engalaneni yemiklomelo kuleqembu le Chicken Inn lona elilemiklomelo engamatshumi amathathu njalo elinqobe ele Triangle nge 1 ka nya ngeSonto.

Endaweni yesine kuleqembu le CAPS United lona elinqobe ele Chapungu nge 2 ka nya njalo elilemiklomelo engamatshumi amabili lathoba munwe mbili okulinani eliphethwe liqembu le Triangle kanye lele Highlanders.
Ngaphansi kwengalane iqembu le Bulawayo City lenelise ukusuka emsileni wengalane ngemva kokunqoba elikwenze ele Mutare City Rovers nge 1 ka nya njalo likhuphuke layahlala endaweni yetshumi lane njalo lilemiklomelo elitshumi lane.

Ngaphansi kwengalane iqembu le Mutare City yilo elijeke amanye lilemiklomelo elitshumi lanye kuthi phezu kwalo kuleqembu le Chapungu lele Nichrut womabili elemiklomelo elitshumi lantathu kuthi elihlezi endaweni yesine nxa usuka phansi ngele Shabanie Mine elilemiklomelo elitshumi lane.

Kolunye udaba olumayelana lomdlalo wenguqu amaqembu amela izwekazi lase Africa aqhuba nzima kumncintiswano wezizwe zomhlaba oqhutshelwa elizweni lase Russia kulezinsuku.

Izwekazi lase Africa limelwe ngamaqembu amahlanu kulimidlalo njalo phakathi kwalawa maqembu amathathu abalisa ele Morocco, ele Nigeria kanye lele Egypt adliwe kumidlalo yawo yakuqala njalo womathathu awazange eyenelise ukuhlohla kodwa ele Morocco lele Nigeria azihlohlile.
Intathelizindaba yezemidlalo uNash Mkokwayarira uthi kuyadanisa indlela amazwe amele izwekazi lase Africa aqhuba ngayo kumidlalo yezizwe zomhlaba.

Ukudlala kwamaqembu amele iAfrica kumidlalo yezizwe zomhlaba kuyadanisa kakhulu nxa ukhangela ukuba ayehluleka khona lokuhlohla njalo indlela abadlala ngayo ikhomba ukuba singemuva kakhulu njengezwekazi nxa uqathanisa lamanye amazwekazi afana le Europe.
Into engiyikhangeleleyo yikuba kube lithuba lethu elokufunda ukuze sidlale kuhle kumncintiswano yezizwe zomhlaba ezalandela.

Iqembu le Egypt linqotshwe nge 1 ka nya ngele Uruguay ku Group A, ele Morocco litshaywe nge 1 ka nya ngele Iran KU Group B kuthi ele Nigeria linqotshwe nge 2 ka nya ngele Croatia KU Group D.

Ezemidlalo siloJoseph Njanji
please wait

No media source currently available

0:00 0:02:46 0:00
XS
SM
MD
LG