amalinks wokungena

Breaking News

Iqembu leZimbabwe Lingqikilana Lele Barbados Emdlalweni weVitality Netball World Cup


2019 Vitality Netball World Cup

Iqembu lomdlalo webhola lokuqaga elimela ilizwe leZimbabwe emcintisweni wenkezo yezizwe zomhlaba eyeVitality Netball World Cup elamaGems, elibhuqwe ngele New Zealand 79-36 ngoMvulo esibangeni sesibili sesibaya sikaGroup F, namuhla ntambamba lingqikilana leleBarbados.

Omunye wabadlali beZimbabwe ...
Omunye wabadlali beZimbabwe ...

Kumele linqobe ukwenzela ukuthi lingene kuma semi-finals kumncintiswano lo osedolobheni leLiverpool kwele Bhilithane.

Ngemva kokubhaxabula iqembu leNorthern Ireland 52-49 emdlalweni obumnandi okwamagama, iqembu lamaGems libhuqwe ngele New Zealand kabuhlungu.

Umqeqetshi waleliqembu uLoyd Makunde uthi amandla amanengi aphelele emdlalweni wabo leNorthern Ireland"

Ekhuluma ngomdlalo wayizolo le New Zealand uMakunde uthe bazamilelobanje benqotshiwe.

Abadabuka kwele Zimbabwe abahlala eBhilithane bakhangelelwe ukuthi bazabukela umdlalo lo.

Omunye wabo ozabe esekela iqembu leli nguNkosazana Debra Dube.

eZimbabwe ezihlala eBhilithane zibuya ngobunengi bazo kulimdlalo zizo sekela iqembu.

2019 Vitality Netball Word Cup
2019 Vitality Netball Word Cup

"Siyaziqhenya ngeqembu lamankazana akithi eNetball enza izimanga eLiverpool. Yebo sadliwa yiNew Zealand kabuhlungu ngenxa yokuthi abajayelanga ukudlala imidlalo enje. Sazama kodwa kwehlula. Kungasenani namuhla kumele qinqobe ukwenzela ukuthi sibelama chance okuyaphambili."

Unkosazana Khethiwe Ngwenya uthi ubukela yonke imidlalo yamaGems njalo uthi leliqembu liyafika kufinal.

“Izolo sibone umdlalo onzima kuNew Zealand, bayadlala kakhulu. Ngilethemba lokuthi ama coaches babonile ukuthi benzeni kumdlalo wanamuhla. Sokumele siwine ngenkani. Ngiyajabula ngabantu bakithi ababuya ngobunengi kuma games. Go Zimbabwe go."

Abalandeli bomdlalo webhola lokuqaga bathi iqembu leZimbabwe kumele linqobe noma kanjani namuhla ukuze libe lamathuba okuya esigabeni esilandelayo.

Sikhuluma kunje iqembu lama Gems selisenkundleni lilungiselela ukungqikilana leleBarbados.

ONompembe labo sebekhona okutsho ukuba laloba ngasiphi isikhathi kusukela manje umdlalo ungaqala.

Facebook Forum

XS
SM
MD
LG