amalinks wokungena

Breaking News

Iqembu leZimbabwe Lingqikilana lelePakistan kuCricket Lingalabo Abadlali Abathenjiweyo


Zimbabwe Pakistan Cricket
Zimbabwe Pakistan Cricket

Iqembu labesilisa elimela iZimbabwe emdlalweni kakhilikithi lidibana lelePakistan emdlalweni wakuqala wohlobo lweTest lingelabo abanye babadlali balo abathenjiweyo ngoba belimele.

Ukaputeni uSean Williams ngomunye wabalimeleyo abangasoze baphatheke emidlalweni eqale ngoLwesine enkundleni yeHarare Sports Club esigodlweni, iHarare.

Ekhuluma ngesikhathi iZimbabwe isenza amalungiselelo, uWilliams uthe kulomehluko omkhulu phakathi kwemidlalo abakade beyidlala ensukwini ezedluleyo leqembu lePakistan eyohlobo lweT20 kanye lemidlalo yohlobo lweTest ngoba emdlalweni weTest kumele abadlali badle amathambo engqondo.

“Imidlalo le edlalwa phakathi kwensuku ezimbalwa inzima kakhulu emzimbeni kanye lasengqondweni. Ifana nje lempi eqhubeka engqondweni yakho hatshi enkundleni kuphela kodwa langaphandle kwenkundla,” kutshi uWilliams.

“Kuqakathekile ke ukuba ingqondo ibe sesimeni esihle ukuze konke kuhambe ngendlela enkundleni.”

please wait

No media source currently available

0:00 0:02:08 0:00

XS
SM
MD
LG