amalinks wokungena

Breaking News

Likha Phansi Ngenkamanzi Iqembu leWarriors Kumcintiswano weCHAN


Iqembu leNamibia linqobe ele Zimbabwe Warriors 5-4 sokutshaywa imbekwa emdlalweni weAfrican Nations Championship odlalelwe eHarare ngeSonto.

Iqembu leZimbabwe lidliwe lobanje linqobe eleNamibia 1-0 enkundleni yeNational Sports Stadium. Ukuhlohla kweZimbabwe kwenze ukuthi amaqembu la abengutshiki lobhanqa kulandela ukuhlohla kweNamibia eWindhoek kunsukwana ezisanda kwedlula.

Lokhu kutsho ukuthi eleZimbabwe kalisaqhubeki emdlalweni lo.

UPrince Dube ubehlohlele iqembu leWarriors kodwa kwehlula sokutshaywa imbekwa.

Abahlohlele iZimbabwe sokutshaywa imbekwa bagoqela uDevon Chafa, Milton Ncube, Praise Tonha lo Dennis Dauda. Unozinti weZimbabwe uHerbert Rusawo wehluleke ukulithela emambuleni.

Abadlali bonke beNamibia bahlohle imbekwa yabo.

Nanku okunye okuphume emidlalweni yeCHAN ngeSonto: Angola 3-2 Mauritius (Agg: 4-3); Burundi 0-0 Sudan; Ethiopia 3-0 Djibouti (Agg: 8-1); Lesotho 1-0 Comoros (Agg: 1-2); Mozambique 0-2 Madagascar (Agg: 2-4)

Facebook Forum

XS
SM
MD
LG