amalinks wokungena

Breaking News

Iqhubekela Phambili Imidlalo yeCastle Lager Premier Soccer League


Chicken Inn vs Triangle

Liqhubekela phambili livula isikhala esikhulu phezu kwengalane yemiklomelo iqembu le FC Platinum lona elinqobe ele Chicken Inn nge 2 ka nya namhla enkundleni ye Mandava okuyimpumela elitshiye selikhokhela lelo elihlezi endaweni yesibili ele Ngezi Platinum Stars ngemiklomelo eyithoba munwe munye.

Iqembu le FC Platinum selilemiklomelo engamatshumi ayisikhombisa lanye (71) kuthi ele Ngezi Platinum Stars lona elibe ngutshiki lobhanqa 2 ka 2 lele Harare City emdlalweni oqhutshelwe esigodlweni iHarare lilemiklomelo engamatshumi ayisithupha lambili (62).

Kusele imidlalo emithathu ukuba isizini yalonyaka ifike komlindi uyacina njalo iqembu leFC Platinum lingahle liphakamise inkezo nxa linganqoba emdlalweni walo olandelayo elizawudlala leqembu le Shabanie Mine njengoba lizabe selibuthelele imiklomelo engamatshumi ayisikhombisa lane okulinani elingeke lifikiswe ngele Ngezi loba linganqoba kuye yonke imidlalo elisele layo.

Komunye umdlalo odlalwe namhla iqembu le Bulawayo Chiefs lithuthukise amathuba alo okusinda ekugunyulweni kusigaba saphezulu ekupheleni kwemidlalo yalonyaka ngokutshaya elikwenze iqembu le Shabanie Mine lona elivele sekusaziwa ukuba liyabe lidlala kusigaba sika Division One ngomnyaka ozayo.

Umqeqetshi weqembu le Bulawayo Chiefs uGarthly Chipuka uthi ukunqoba kwabo namhla kungabaphathisa ngoba kumidlalo yabo eseleyo bezadibana lamaqembu amakhulu kwele Zimbabwe.

Iqembu le Bulawayo Chiefs lizadlala lele Highlanders, ele Ngezi Platinum kanye lele ZPC Kariba kumidlalo emithathu elisele layo.

Kweminye imidlalo edlalwe namhla iqembu le CAPS United linqotshwe nge 1 ka 2 ngele Yadah, kuthi iqembu le Triangle litshaye ele Mutare City nge 1 ka 0.

Imidlalo iqhubekela phambili kusasa lapho amaqembu azadlala ngokulandelayo.

Iqembu le Herentals lizadlala lele Dynamos ngase Rufaro, iqembu le Black Rhinos lizangqikilana lele Nichrut ngase National Sports Stadium, iqembu le Chapungu lizemukela ele Highlanders ngase Ascot kuthi iqembu le Bulawayo City lizadlala lele ZPC Kariba ngase Barbourfields.

Udaba Esilethulelwe NguJoseph Njanji
please wait

No media source currently available

0:00 0:02:27 0:00

Facebook Forum

XS
SM
MD
LG