amalinks wokungena

Breaking News

Iqula leEU Lithi Awavunyelwe Amabandla Aphikisayo Ukubona Ukudindwa Kwama Ballot


Inkokheli ye European Union

Iqula le European Union elizohlola ukuqutshwa kokhetho elizweni namhlanje lenze umhlangano lentathelizindaba eHarare lazisa ukuthi libona kufanele ukuthi uhulumende aphumele egcekeni kundlela okuqutshwa ngayo ukhetho okufana lokuvumela amabandla aphikisayo ukuthi ahlole ukudhindwa kwamaphepha okuvotela ukuze impumela yokhetho yamukeleke kuzulu weZimbabwe.

Lokhu kuza ngemva kokuba iZEC ingavumeli amabandla aphikisayo ukuthi iyehlola ukuthi amaphepha azasetshenziswa ekuvoteni, ama ballot paper, njalo lokuthi azakuba egcinwe ngaphi kusiyafika ukhetho.

Ekhuluma esigodlweni seHarare namhlanje, umsekeli womkhokheli weqembu le EU uMnu Mark Stevens uthe yena kuzo zonke inketho aseke wayahlola kwamanye amazwe, ukuphuma egcekeni ngamalungiselelo okhetho kokudhindwa kwamaphepha ebhaloti kanye lalapho agcinakala khona kwenziwa mgceke ukuze kungabi lokuthandabuza kwempumela yokhetho. Uthi lokhu kumele kwenzakale eZimbabwe ukuze ukhetho luka 30 Ntulikazi lwamukeleke impumela yalo.

“Okuqakatheke kakhulu kithi yikuthembeka lokuhlanzeka kokhetho njalo thina njengeqembu elizabe likhangele ukuqhutshwa kokhetho sizaqakathekisa ukumanyaniswa kwamabandla azancintisa ekulungiseleleni kokhetho njalo lokuba segcekeni kwalo. Kusenjalo, udaba olunjengokuvezwa kokulotshwa kwamaphepha ebhaloti kanye lokugcinakala kwawo ludaba oludumileyo kunketho ezinengi, amanye amazwe ayakuveza amaye hatshi. Kodwa esesikubonile kwezinye indawo yikuthi lapho okuvezwa khona inlungiselelo le, kuletha ubugceke lokuhlanzeka kokhetho kanye lethemba kumpumela yokhetho yikho thina siwusekela lowo mbono. Siyawazwa amabandla aphikisa eveza lesi sikhalazo kodwa thina sixwayi ukuthi kube lokumanyaniswa kwamabandla ekuhlubunguleni lezindaba njalo kube lobugceke ekuhanjisweni kokhetho lolu," kutsho uStevens.

Ukungazwanani kogatsha lwezokhetho, iZEC lamabandla aphikisayo ngodaba lokungavumeli abamabandla aphikisayo ukuthi bangene lapho okudhindwa khona amaphepha ebhaloti kanye lalapho azakuba egcinelwe khona sekulethe ukuthandabuza ikakhulu kumanyano we MDC Alliance.

Lumanyano uveze ngolweSithathu kuliviki ukuthi alisoze lincintise kukhetho nxa iZEC ingavumanga izikhalazo zabo zokuthi babekhona lapho okuzabe kudhindwa lawo maphepha ebhaloti.

Lokhu kuthandabuza kuphinde kwagcizelelwa ngumkhokheli wequla leEU uMnu Elmor Brok othi iZEC isafanele isebenze gadalala ukuze ukhetho lolu lubelesisindo njalo lube ngolusegcekeni.

Kutsho uBrok: “Kuqakathekile ukuveza ukuthi phezulu kwendlela iZEC esiqube inlungiselelo yokhetho kusamele isebenze ngamandla ukuthi lolukhetho lubesegcekeni njalo uzulu abele themba ngalo. Lokhu kunjalo ngenxa yokuthi kulembali yengxabano ikakhulu kundlela inketho bezihanjiswa ngayo ngakho ke kufanele kusetshenzwe gadalala ukuze uzulu abelethemba kulolu khetho.

Iqula le EU, eleMelika lawezinye inhlanganiso lamazwe ayengasavunyelwa ukuzohlola ukhetho ngulo owayenguMongameli, uRobert Mugabe.

please wait

No media source currently available

0:00 0:06:16 0:00

Facebook Forum

XS
SM
MD
LG