amalinks wokungena

Breaking News

Iqula likaMongameli Ramaphosa Lizafika eZimbabwe Kuliviki


FILE - South Africa's President Cyril Ramaphosa.
FILE - South Africa's President Cyril Ramaphosa.

Iqula likaMongameli wakweleSouth Africa uMnu Cyril Ramapholisa likhangelelwe ukufika eZimbabwe kuliviki lilanda ukuyakhulumisana labamabandla ezombusazwe kanye labenhlanganiso ezizimeleyo ngokuhluphayo elizweni lokuthi kungalungiswa njani.

Lanxa umsakazo weStudio 7 wehlulekile ukukhuluma lesikhulumeli sikaRamaphosa, iphephandaba leSunday Mail libike izolo ukuthi iqula leli lizafika ngoLwesibili.

UMongameli Ramaphosa wazise kumaviki amabili edluleyo ukuthi iqula leli lizakhulumisana leZanu PF, amabandla aphikisayo lehlanganiso zikazulu ngodaba lokwephulwa kwamalungelo okubikwa kusenziwa nguhulumende kaMongameli Emmerson Mnangagwa lezinye inkinga ezigoqela ukubhidlika komnotho ngenjongo yokudinga isisombululo.

URamaphosa uke wathumela elinye iqula eHarare kumaviki edluleyo kodwa libikwa layaliswa nguMnangagwa ukuthi lihlangane lamabandla aphikisayo ngoba esithi akulahlupho eZimbabwe.

Abanye bathi iqula leli kumele likhulumisane labameli benhlangothi zonke zempilo kanye lalabo abahlukuluzwayo abafana loMnu Tendai Muchehiwa, uNkosazana Noxolo Maphosa lomhleli weZimLive uMnu Mduduzi Mathuthu obikwa elokhu ecatshile ngoba edingwa ngamapholisa.

Ingcwethi ecubungula ezombusazwe uMnu Dumisani Nkomo utshele iStudio 7 ukuthi iqula leli kumele lize lenjongo ecacileyo ukuze liphumelele.

please wait

No media source currently available

0:00 0:01:23 0:00

XS
SM
MD
LG