amalinks wokungena

Breaking News

Iqula likaRamaphosa Lithi Lizahlangana Lalabo Elidinga Ukuhlangana Labo Lanxa iZanu PF Ingafuni


President Cyril Ramaphosa delivers his State of the Nation address at parliament in Cape Town, South Africa, February 13, 2020. REUTERS/Sumaya Hisham

Iqula likaMongameli wakweleSouth Africa uMnu Cyril Ramaphosa elifike eHarare izolo lilanda ukuzecwayisisa okuhluphayo elizweni, ikakhulu ukwephulwa kwamalungelo oluntu okubikwa kusenziwa nguhulumemde, lithi lizahlangana yiloba ngubani elimele lihlangane laye lanxa abeZanu PF beqina ngokuthi kalisoze lihlangane labamabandla aphikisayo.

Umkhokheli wequla leli uMnu Ace Magashule utshele intathelizindaba ekufikeni kwabo ntambama ukuthi ngaphandle kokukhulumisana lamalunga eZanu PF, kulabanye abadinga ukuhlangana labo ukuze babaphe icele labo ngokuhluphayo.

UMagashule uthe lanxa iqula lakhe lisazophuma lesinqumo, bazahlangana lalabo abadinga ukuhlangana labo kunkulumo eziqala namuhla.

URamaphosa uthumele iqula leli kulandela ukukhonona kwabanengi besithi uhulumende weZanu PF wephula amalungelo ngokuthumba lokutshaya abachothoza umbuso kaMongameli Emmerson Mnangagwa.

Isikhulumeli seZanu PF uMnu Patrick Chinamasa ugcizelele izolo phambilini kokufika kwequla leli ukuthi lilanda ukuzekhuluma labo kuphela beqondene kuyiANC leZanu PF hatshi abamabandla aphikisayo ngoba esithi akulahlupho eZimbabwe.

Kodwa amazwi kaMnu Magashule akhomba ukuthi balakho ukuhlangana lenhlangothi ezitshiyeneyo njengokumemezela kukaRamaphosa.

Iqula likaRamaphosa elakuqala elize eZimbabwe ngenyanga edluleyo liphenduke libone uMnangagwa kuphela ngemva kokulivimba ukuhlangana labamabandla aphikisayo kanye labenhlanganiso ezizimeleyo.

Ingcwethi kwezombusazwe uMnu Zenzo Nkomo utshele iStudio 7 ukuthi iqula leli kumele lihlangane lenhlangothi zonke ezigoqela ibandla leMDC Alliance nxa lilokuphumelela ekulungiseni udaba lweZimbabwe.

please wait

No media source currently available

0:00 0:03:21 0:00

Facebook Forum

XS
SM
MD
LG