amalinks wokungena

Breaking News

Iqula Lomanyano weEuropean Union Likhangelelwe Ukufika Elizweni Namhla Phambilini Kokhetho


Amagwaliba Amabandla Azancintisa Kukhetho.

Namhla iqula lomanyano we European Union likhangelelwe ukuza elizweni ukuzohlola ukhetho oluzenziwa kunyanga ezilutshwana ezilandelayo.

Iqula lomnyano lo lalingasavunyelwa elizweni ngowayengu Mongameli, uMnu. Robert Mugabe kodwa uMongameli Emmerson Mnangagwa wathi leliqula lingeza elizweni.

Leliqula liza phambilini kokhetho ukuze lenelise ukubona ukuthi amabandla aphikisayo akhankasa ngokukhululeka. Kodwa lokhu kungethulwanga imithetho ekhangelane lezokhetho ekusisekelo sombuso welizwe esitsha.

Lolu ludaba oluhlaziywe kabanzi edale lephalamende ngeviki edluleyo. Sixoxe lomela iBinga kulelidale, uMnu. Prince Dubeko Sibanda othi ukungaphi ithuba lokuphuma emasakazweni kwamabandla aphikisayo ngokunye kokwephula umthetho okwenziwa libandla elibusayo.

"Okuphume sobala yikuthi i electoral ammendment act ediskaswayo kathesi eparliament ayikayenzi ama reforms wonke angabe ekhangelelwe ngabantu be Zimbabwe angayenza ukuthi umuntu nxa edliwe athi hayi ngidlizwe kube le levele playing field," kutsho uSibanda.

Uthi okungenza abancintisayo bekhonone ngempumela kunengi kakhulu esithi okwakuqala ngokuphathelane lokwethulwa kwendaba emsakazweni kahulumende.

"Okukhona yikuthi kufuzile ukuthi nxa besethula indaba kumele benze u8msebenzi okuqotho kungakhathalekile lokuthi nguMongameli Emmerson Mnangagwa kumbe uChamisa," kutsho uSibanda.

Uthi okwenzakala kathesi kuyafana ngesikhathi sombuso kaMnu. Robert Mugabe lapho okwakuthathwa amacele zintathelizindaba.

please wait

No media source currently available

0:00 0:03:40 0:00

Facebook Forum

XS
SM
MD
LG