amalinks wokungena

Breaking News

RBZ: Sokumele Kusetshenziswe iZimswitch eZimbabwe


Basemkambo wemali eHarare. (AP Photo/Tsvangirayi Mukwazhi)

Ibhanga elikhulu lelizwe eleReserve Bank of Zimbabwe lithi sokumele wonke amankampani alemikambo yemali asebenzise iZimswitch.

UMnu. John Mangudya, owethule umbiko lo kusihlwa ngoLwesine, uthe kumele amankampani ezemali alungiselele ukungena kuZimswitch kusiyafika umhlaka 15 kunyanga ezayo.

UMangudya uthi konke lokhu kwenziwe kulandelwa iziqondiso zomthetho weNational Payment Systems.

Uthi uzulu kumele akunanzelele ukuguqulwa kokusetshenziswa kwemali okuqale ngoLwesine.

“Bonke abathenga bethengisa imali labaleminye imikambo yemali kumele baxhumanise imikambo yabo leZimswitch kusukela namuhla. Ukwenzela ukuthi lokhu kwenziwe kahle sibaxwayisa ukuthi bekulungise kungakafiki umhlaka 15 Ncwabakazi.”

Ingcwethi kwezenotho zithi aziboni ukuthi kuzakwenziwa kahle lokhu njengoba kulemikambo eminengi elizweni njalo abanye balakho ukuthi bamise ukufaka imali yabo emikambo exhumane leZimswitch besesaba ukuthi ingaqanjulwa nguhulumende.

Uhulumende usanda kufaka imigoqo etshiyeneyo yokuvimba ukuthenga lokuthengisa imali emikambo ofana lowe EcoCash, esithi kuthengiselwana imali ngendlela engaqondanga.

Facebook Forum

XS
SM
MD
LG