Igqitshwe namuhla imidlalo yeTokyo 2020 Olympics Games lapho eleZimbabwe elehluleke ukuthola izicoco zegolide, isiliva lebronze.
Umdlali wegolf, uScott Vincent, ubemele eleZimbabwe elomphathintambo wezemidlalo uKirsty Coventry kanye loThabani Gonye, umkhokheli wenhlanganiso yemidlalo eyeZimbabwe.
Ekhuluma kugqitshwa imidlalo le, umkhokheli wenhlanganiso yeInternational Olympics Committee, uThomas Bach, uthe kusetshenzwe kahle loba belimemetheka ngamandla igciwane leCOVID-19 kwele Japan lakwamanye amazwe.
Ilizwe leMelika lithole izicoco ezinengi lilandelwa ngele China, Russia, Britain leJapan. Kuzwekazi leAfrica, eleKenya lithole izicoco ezinengi lilandelwa ngele Egpyt, Uganda, Ethiopila lele South Africa.
Ukuze sizwe okunengi ngokuzakwenziwa ngele Zimbabwe emidlalweni elandelayo eyeParis 2024 Olympic Games, sixoxe loFrederick Ndlovu, obekhokhela abadlali leziphathamandla zakwele Zimbabwe emidlalweni yalonyaka eJapan, othi iqhutshwe kahle imidlalo le.
