amalinks wokungena

Breaking News

Isikhulumeli sikaThokozani Khuphe uWitness Dube Laye Ngeniyani Kukhetho


UMnu. Witness Dube

Obengumcebisi kankosazana Thokozani Khuphe, uMnu. Witness Dube uzancintisa kukhetho lokudinga ozamela isigaba se Magwegwe edale lephalamende.

UDube uthi ubevele ephatheke kwezombusazwe kusukela ibandla leMDC elasungulwa khona ngomnayaka ka 1999.

Uthi abantu bake bamcela ukuthi angene kukhetho ngomnyaka ka 2013 kodwa wala. Uthi wakhulela eMagwegwe njalo wafunda khona okuzenza ukuthi enelise ukumela lesi sigaba engelakuthandabuza.

"Ngizakhuluma nge Magwegwe lapha engitshona khona labantu. Ngiyakwazi ukuthi abantu abanengi bakumhlunulo kamama uDokotela Khuphe," kutsho uDube.

Lesi sigaba ngesinye esilabantu abanengi abasibangisanayo njalo abacina bephumelela ukubhalisa amagama abo ku ZEC bangamatshumi amabili lane.

"Abantu bethu bayananzelela ukuba kwezombusazwe kumele kube yinto umuntu ayenza ngobuqotho. So bayakwamukela nxa sibatshela ukuthi umama uDokotele Khuphe ulandela iconstitution, nxa elandela iconstitution nguye ozakwenza ukuthi ukukhokhelwa kwabantu kube ngendlela eqondileyo," kutsho uDube.

please wait

No media source currently available

0:00 0:04:53 0:00

Facebook Forum

XS
SM
MD
LG