amalinks wokungena

Breaking News

Isilomgcinisihlalo Omutsha Ikomishini Yezokhetho


Ikomishini ebona ngokuqhutshwa kokhetho isilomgcinisihlalo omutsha ngemva kokusuka kukaJustice Rita Makarau kulesi sikhundla ngoMpalakazi.

Umahluli wedale leHigh Court, uJustice Priscilla Chigumba ngunye osekhokhela iZimbabwe Electoral Commission (ZEC).

Umabhalane osebenzela ehofisini kaMongameli Emmerson Mnangagwa, uMnu Misheck Sibanda uthi uJustice Chigumba uzafungiswa ukuqala umsebenzi ekuseni ngoLwesine.

UChigumba wazakala kakhulu ngokuvumela ukutshengisela kwamabandla aphikisayo akumanyano weNERA ngomnyaka ka2016.

Isinqumo lesi sachothozwa kakhulu nguMnu Robert Mugabe esanguMongameli welizwe.

UChigumba uthe edinga umsebenzi wokuba ngumahluleli weSupreme Court nyakenye kwaba losomabhizimusi owamethesa icala lokudinga ukufumbathiswa inkulungwane ezingamatshumi amabili zamadola.

Kodwa walilandula lelicala.

Amabandla aphikisayo athi uChigumba kumele eqhube umsebenzi wakhe engathathi hlangothi.

“Sikhangelele ukuthi abe ngumuntu ozakuba leqiniso emsebenzini wakhe ngoba kukhetho olwedluleyo besisiba lodubo lwabosikomitshi beZEC abadlelana leZanu PF,” kutsho umsekeli wesikhulumeli seMDC uMnu Mbuso Siso.

please wait
Embed

No media source currently available

0:00 0:01:31 0:00

Amazwi akhe agcizelelwe ngumsekeli wesikhulumeli seMDC-T uNkosazana Thabitha Khumalo.

please wait

No media source currently available

0:00 0:01:28 0:00

Facebook Forum

XS
SM
MD
LG