amalinks wokungena

Breaking News

IZimbabwe Kayikaceli eMelika Ukubophisa Owabulala Isilwane uCecil


Nansi isilwane uCecil sisaphila eHwange.

Umtshutshisi omkhulu weZimbabwe, uMnu. Johannes Tomana, uthi kabakayazisi okusemthethweni iMelika ngokudinga uWalter Palmer owabulala isilwane esilodumo eHwange ngoNtulikazi esasibizwa ngokuthi nguCecil.

UTomana uthi kuzathatha isikhathi eside ukuthi uPalmer asIwe eZimbabwe lapho azathoniswa icala lokubulala isilwane lesi.

Uthi kuzasetshenziswa iziqondiso zomthetho weExtradition Treaty ezavunyelwana ngamazwe la ngomnyaka ka1997. UTomana uthi kungeke kwenzakala ukuthi uPalmer asiwe eZimbabwe ngesiphangiphangi.

Isivumelwano samazwe la sikhangelane labantu abathengisa izidakamizwa lamalwecatsha azonda amazwe womabili.

Kusenjalo, iqhubekela phambili imikhankaso yokuzama ukuvinjwa kokuthengiswa kwenyamazana eZimbabwe njalo lokulwela ilungelo lenyamazana zasendle.

Eyinye yenhlanganiso eziqhuba imkhankaso le yiCare2 Petitions lapho osokulabantu abedlula isigidi – 1,2 million – ebulenjini beInternet abafuna kumiswe ukuthengiswa kwenyamazana eZimbabwe.

Banengi abathi lokhu akusoze kumise ukubulawa kwezinyamazana mahlayana kungabonakali ukuthi imali iyangaphi.

Omunye wabo nguMnu. Masimba Kuchera oyingcwethi kwezenotho othe kumele kunqabelwe ubusela elizweni ukwenzela ukuthi abantu bangatshontshi inyamazana zasendle.

XS
SM
MD
LG