amalinks wokungena

Breaking News

Liphelelwa Ngumphako Iqembu leFC Platinum


Abadlali abeqembu ele FC Platinum.

Iqembu lenguqu ele FC Platinum seliphelelwe ngumphako kumncintiswano walonyaka owamazwe awezwekazi leAfrica owe CAF Champions League.

Iqembu le FC Platinum likhutshwe kumncintiswano walonyaka owe CAF Champions League ngele Clube Desportivo Primero de Agosto ngemva kokunqotshwa nge 5 ka 1 nxa kuhlanganiswa impumela yemidlalo emibili edlalwe yilawa maqembu kusigaba se preliminary round yalumncintiswano.

Umdlalo wakuqala odlalelwe elizweni lase Angola ensukwini ezedluleyo uphele iqembu le FC Platinum linqotshwe nge 3 ka nya kuthi namhla umdlalo uphele iqembu le FC Platinum linqotshwe nge 2 ka 1.

Intathelizindaba yezemidlalo uNash Mkokwayarira uthi bekuvele kungekho lula ukuba iqembu le FC Platinum lidlulele kusigaba esilandelayo ngemva kokunqotshwa nge 3 ka nya kwele Angola.

“Iqembu le FC Platinum lizamile ubungcono balo kodwa bekuvele kungasoze kube lula ukuphindisela amagoli amathathu mhlawumbe ngabe babenqotshwe ngegoli elilodwa bekungaba ngcono.”

Lokhu ngokwesibili ukuba iqembu le FC Platinum liphelelwe ngumphako lingakafinyeleli kusigaba sezibaya esomncintiswano wokudinga intshantshu zezwekazi lase Africa.

Ingcitshi zomdlalo wenguqu zisole iqembu leli ngokungalungiseleli ngemfanelo ukuyadlala kwele Angola njengoba liqhubele lawa malungiselelo lisedolobheni lako Bulawayo elilesimo somkhathi esihle kulokuba liye emadolobheni alesimo somkhathi esifudumalayo abalisa ele Hwange, eTriangle kumbe eKariba ngoba kuyiso isimo somkhathi esitholakala kwele Angola.

Facebook Forum

XS
SM
MD
LG