amalinks wokungena

Breaking News

Isivuliwe Imingcele yeZimbabwe Kusukela Namuhla


Coronavirus, Zimbabwe

Imingcele yelizwe eyavalwa ngoMbimbitho ngenxa yomkhuhlane weCoronavirus isivuliwe kusukela namuhla.

Uhulumende uthi abahamba ngezimota zabo kanye labahamba ngezinyawo sebevunyelwa ukungena lokuphuma elizweni besiya kwamanye amazwe afana leBotswana, South Africa lamanye.

Kodwa izimota ezithwala uzulu ezifana lamabhasi azikavunyelwa.

Imingcele yeZimbabwe emikhulu ibalisa oweBeitbridge, Plumtree, Forbes, Chirundi loweVictoria Falls.

Lanxa abanye basithi ukuvulwa kwemingcele le kuzabangela ukuthi umkhuhlane weCovid-19 umemetheke ngamandla, abanye abagoqela isiphathamandla senhlanganiso yeCitizens Covid-19 Monitor uMnu Effie Dlela Ncube bathi kulungile ukuthi ivulwe.

please wait

No media source currently available

0:00 0:02:07 0:00

Kusenjalo, ugatsha lwezempilakahle luthi kuloyedwa obulawe ngumkhuhlane weCovid-19 izolo eManicaland labangamatshumi ayisitshiyangalombili lane, 84 ababanjwe lumkhuhlane elizweni lonke jikelele.

Lokhu kukhweze inani lasebefunyenwe beleCovid-19 selokhu yaqhamukayo eZimbabwe laya ku10034 kwathi asebebhubhile bakhwele baya ku277.

Asebepholile bakhwele ngabayisikhombisa baya ku8489. Abalokhe begula bona sebengu1268.

Facebook Forum

XS
SM
MD
LG