amalinks wokungena

Breaking News

Isizalwane seZimbabwe Silungisa Inkomitsho-Gedlela


Inkomitsho gedlela le ingasetshenziswa ngumuntu wonke. (Photo: Bianca Twitter)

Isizalwane seZimbabwe uNkosazana Bianca Polizzi uselungise inkomitsho-gedlela yokubilisa amanzi okupheka itiye le-coffee esebenzisa umlilo we battery elakho ukusetshenziswa ngabantu makhaza, abantwana besikolo, osomabhizimusi labanye abantu abajahileyo.

UPolizzi ongumntaka Joseph Polizzi owayesebenzela iphephandaba leSunday News koBulawayo uthi inkomitsho-gedlela yakhe le isebenza ndawanda yonke njalo umuntu ulakho ukupheka itiye ezihambela.

Uthi okwenze waphuma lomcabango lenkomitsho-gedlela le yikuthi wayethwele nzima nxa efuna ukudinga itiye kumbe i-coffee ngesikhathi egijimela ezifundweni zakhe ekolitshini leBath University eBhilithane.

Uphakathi komncintiswano obizwa ngokuthi yi-Pot Noodle You Can Makeit okhuthaza ukwenza okutshiyeneyo okunceda uzulu ngesikhatshana.

UPolizzi enganqoba eBhilithane inkomitsho-gedlela yakhe izakhandwa eMelika ithengiswe emazweni wonke.

XS
SM
MD
LG