amalinks wokungena

Breaking News

Ikhetha Abakhokheli Abatsha eMat South iMDC-T


Ibandla leMDC-T eMatabeleland South ngoLwesihlanu likhethe abakhokheli balo abatsha kanye lalabo elifuna bakhokhele ibandla leli kuzikhundla eziphezulu kukhetho olwenzelwe eGwanda.

UMnu Solani Moyo ukhethwe ukuba ngumgcinisihlalo weMat South njalo umsekeli wakhe nguNkosikazi Gladys Mabuza.

Owaxotshwa kubandala leMDC elikhokhelwa nguMnu Welshman Ncube uNkosikazi Nomalanga khumalo ungene kusikhundla sikamphathisikhwama.

Isigaba lesi sikhethe njalo uMnu Morgan Tsvangirai, yena obese Gwanda, ukuthi aqhubeke ekhokhela ibandla esekelwa nguNkosazana Thozokazi Khupe.

Sikhethe njalo uMnu Nelson Chamisa ukuthi abe ngunobhala jikelele webandla. Isigaba lesi sifuna uMnu Abednico Bhebhe abe ngumabhalane obona ngokuqoqwa kwenhlelo zebandla.

XS
SM
MD
LG