amalinks wokungena

Breaking News

Ufakelwe Itshefu Na uMnangagwa Esimhlanganweni Webandla leZanu PF?


UMnu. Emmerson Mnangagwa.

Kubikwa ukuthi umsekeli kamongameli weZimbabwe, uMnu. Emmerson Mnangagwa, ufakelwe itshefu ekudleni ngesikhathi elungiselela ukuya emhlangagweni ngoMgqibelo obuqoqwe luhlangothi lwe Zanu PF Youth League eGwanda, esabelweni seMatabeleland South.

Iphephandaba leThe Standard libika ukuthi litshelwe ngabanye abalandeli bebandla leZanu PF ukuthi uMnangagwa ubonakale ehlanzaigazi uMongameli Robert Mugabe esethulela umbiko wakhe uzulu enkundleni yePhelandaba.

Iphephandaba leli lithi uMnangagwa uthwalwe ngemota yamapholisa eyezigulane wasengeniswe endizamtshineni yebutho leZimbabwe emphaphisele esibhedlela esizimele sodwa edolobheni leGweru eNkabazwe.

Lithi akwaziwa ukuthi usenjani okwamanje. Umsakazo weStudio 7 kawenelisanga ukukhulumisana leziphathamandle zebandla leZanu PF ebezingaphenduli imilayezelo eziyithunyezelwe kubomakhalekhukhwini.

UMnangagwa ucatshangelwa ukuthi nguye okhokhela incele lebandla leZanu PF elibizwa ngokuthi yiTeam Lacoste elifuna ukuthi athathe isikhundla sikaMugabe. Elinye icele kucatshangelwa ukuthi likhokhelwa nguNkosikazi Grace Mugabe, osandakuthethisa abalandeli bekaMnangagwa othi bafuna ukususa esikhundleni uMugabe ngazo zonke indlela.

Kulokulwisana okumangalisayo kubandla leli ngomuntu ozathatha isikhundla sikaMugabe.

UMugabe uzancintisa ukhetho lukamongameli ngomnyaka ozayo eseleminyaka engamatshumi ayisithiyagalolunye lane (94).

Facebook Forum

XS
SM
MD
LG