WASHINGTON DC —
Imidlalo yamaOlympics iyaqala kweleJapan namuhla njalo izavulwa ngokusemthethweni emcimbini omkhulu ozaphuma kumabonakude emhlabeni jikelele emini.
Imidlalo le yayimele iqhutshwe nyakenye kodwa kasidluliselwa phambili ngenxa yeCovid-19. Lonyaka iqhutshwa kuphela lanxa nje umkhuhlane lo ungakapheli.
EleZimbabwe limelwa ngabenza imidlalo etshiyeneyo ababalisa ababhukutshayo uDonata Katai, uPeter Wetzlar loPeter Purcell-Gilpin, uScott Vincent odlala i-golf kanye lomgijimi uNgoni Makusha.
UMongameli Emmerson Mnangagwa wethule umbiko kuTwitter ngoLwesine efisela abadlali beZimbabwe laba inhlanhla.
Facebook Forum