amalinks wokungena

Breaking News

Iyavulwa Imingcele Yelizwe Ngesikhathi iCovid-19 Isimemetheka Ngamandla


FILE - A woman has her temperature checked by a health care worker during a nationwide lockdown to help curb the spread of the coronavirus, at a screening center in Harare, Zimbabwe, April 30, 2020.
FILE - A woman has her temperature checked by a health care worker during a nationwide lockdown to help curb the spread of the coronavirus, at a screening center in Harare, Zimbabwe, April 30, 2020.

Imingcele yeZimbabwe izavulwa kusasa lanxa nje umkhuhlane weCovid-19 usumemetheka ngamandla kulezinsuku.

Abahamba ngezimota zabo kanye labahamba ngezinyawo sebevunyelwa ukungena lokuphuma elizweni besiya kwamanye amazwe afana leleBotswana leleSouth Africa.

Kodwa izimota ezithwala uzulu ezifana lamabhasi aziyavunyelwa.

Lanxa abanye besithi ukuvulwa kwemingcele lokhu kuzadala ukuthi umkhuhlane lo umemetheke ngamandla, abanye bathi kulungile ngoba abantu ikakhulu abaphila ngokuphanda kwamanye amazwe besebethwele nzima.

Umkhuhlane weCoronavirus usumemetheka kakhulu kulezi nsuku eZimbabwe ngitsho lasezikolo.

Lanxa uhulumende engethulanga amanani ayizolo, ngoMgqibelo kulabantu abedlula ikhulu elilodwa, 108, ababanjwe lumkhuhlane.

Asebefunyenwe belawo selakho waqhamukayo sebengu-9822 kuthi asebesilile bangu-8472. Asebebhubhile bangu-275 njalo abalokhe begula bangu-1075.

Idolobho lakoBulawayo yilo elihamba phambili ngababanjwa lumkhuhlane kanye labafayo kulezinsuku.

XS
SM
MD
LG