amalinks wokungena

Breaking News

Izakhamizi Ezidilizelwe Izindlu Lizulu Lesiphepho eMatshetsheni eGwanda Zilokhe Zisegcekeni Njalo Zidinga Usizo


Eyinye Yezindlu Ezidilikileyo
Eyinye Yezindlu Ezidilikileyo

Izakhamizi zeMasholomoshe, eMagedleni, eNkashe laseMatshiya eGwanda zithi sezileminyaka zacina ukubona izulu elifana leline ngoLwesibili emini yantambama, elidilize izakhiwo njalo laquphula lezihlahla.

Izulu eline lilomoya omkhulu selitshiye izakhamizi zeMatshetsheni eGwanda North zisegcekeni kulandela ukudilika kwemizi kanye lezikolo. Inengi lilahlekelwe zimpahla njalo lidinga usizo lokudla.

Izakhamizi zeMasholomoshe, eMagedleni, eNkashe laseMatshiya eGwanda zithi sezileminyaka zacina ukubona izulu elifana leline ngoLwesibili emini yantambama, elidilize izakhiwo njalo laquphula lezihlahla.

Inengi lezakhamizi beliphithizela ngoLwesithathu ekuseni lilungisa umonakalo odalwe yilelizulu.

UMnu. Absalom Sibanda obesendlini lemuli yakhe yonke elabantu abayisikhombisa lapho indlu idilika, uthi unkosikazi wakhe lomntwana omncinyane balimele ngalesosikhathi njalo basele belesithuli.

Omunye odilikelwe yindlu nguMnu. Jonathan Nyathi oyisakhamuzi seBhungu eNkazhe, othi laye uphelelwe.

UNkosikazi Ntokozo Ndlovu ngesinye njalo isakhamuzi seBhungu esidilikelwe ngumuzi. Uthi njengomfelokazi kuzakuba nzima ukuthi asukumise eyinye indlu.

UNkosazana Sikhulisile Nyathi oweNkashe uthi basengozini enkulu kakhulu lingaphinda line izulu kunsukwana ezilandelayo.

UNkosazana Patricia Sibanda oweNkashe obelabazukulu bakhe endlini lapho umoya uphakamisa uphahla, uthi basele bethukile.

EMagedleni izitolo ebezisakhiwa zidilikile kwasala sokuligceke. UMnu. Vusumuzi Ncube ngomunye wabosomabhizimusi kuleyondawo njalo uthi uhulumende kuzamele angenele ancedise laba abadilikelwe yizakhiwo.

Izikolo ezibalisa eseNkashe, iMatshiya, iMasholomoshe leMatshetsheni lazo zisele zingelaphahla.

UMnu. David Moyo ongumgciisihlalo wekhomidi yabazali babafundi besikolo seNkashe Secondary uthi kube yinhlanhla ukuthi ababalisi bakhalele umsebenzi kulezinsuku.

"Indlu yethu yabo Fomu 1 ithethwe ngumoya, iLab ithethwe ngumoya kutsho ukuthi kubeyinhlanhla enkulu kakhulu ngoba abafundi ngabe bebekhona ngabe sikhuluma ngokuthi kulabantu abafileyo , uncedo esilukhangelelwe yikuthi aluba singazuza amazenge okuvala laphana ngoba yonalawa amaClass yiwo asetshenziswayo ukuthi abantwana babhalele phakathi kwayo."

USobhuku weMasholomoshe uMnu. Lovemore Ndlovu uthi njengenkokheli zomdabu bathethe isiqumo sokuthi bazile ngoLwesine kulandela lumonakalo.

"Sengile 18 years ngacina ukubona izulu elinje ngalonaleli, amanzi kade emanengi kakhulu , mina nginje ngihanjelwe zinkukhu inkukhu zonke eziyisikhombisa zihambile , amaKraal Head abone ukuthi abantu kumele abantu bengasebenzi kubelizilo kuhlonitshwe ilanga leli lomonakalo obekhona esigabeni."

UKhansila kaWard one uMnu. Stanford Nkala uthi izakhamizi ezidilikelwe yimizi zidinga usizo lokudla ngokuphuthuma.

"Ezakhamizini ezinengi ziphandle Nike ngezwa ngale eMasholomoshe besithi kulomntwana odilikelwe yindlu wathwalelwa esibhedlela akwazakali ukuthi lingabuya futhi izulu banceide ukuthi bengathola ukutha bafulelwe abanye bathole izinto ezinje ngokudla ngoba kukhanya endaweni ezinengi izulu linethile yonke into imanzi abala kudla."

Lanxa litshiye umonakalo lelizulu, inengi lamadamu kulumango asele egcwele okulakho ukusiza uzulu kanye lezifuyo ebezibhekane lodubo lokusilela kwamanzi.

Izanuse zomumo womkhathi zithi zikhangelele izulu elinganeno lonyaka.

please wait
Embed

No media source currently available

0:00 0:05:05 0:00


XS
SM
MD
LG