amalinks wokungena

Breaking News

Izakhamizi ZakoBulawayo Zivala Isitolo seOK


Izakhamizi zakoBulawayo zivala isitholo seOK Supermarket eseGodini

Abasakhulayo bebandla eleMRP baqale ukutshengisele bephethe amabhakane alotshwe insolo yabo ngokwenza kwabaqondisi beOK Supermarket koBulawayo.

Isikhulumi seMRP, uMnu Velile Moyo uthi abakwenze lamhlanje kuveza ukuthukuthela kwabantu bakoBulawayo ngokwenzakala ezitolo zakoOK.

''Lokhu esesikwenzile yikuletha ulwazi lokuthi lokhu abakwenzileyo asivumelani lakho njalo yisigaba sakuqala sizathi sesithatha amanye amanyathela kulandela impendulo abazasipha yona.''

Umcginisihlalo weAmavikelambuso Association, uMnu Mthobeki Ncube uthi okwenze baphatheka kulokhu kutshengisela yikuba sebenanzelele ukuthi bayabandlululwa.

''Asiphatheki kahle ngalokhu balobandlululo sike sakhuluma labo babuya labantu abasuka phandle kuthi abakithi babeyincosana kukanti bakhona abantwana bakithi abafuna umsebenzi.''

UMgcinisihlalo weMRP, uMnu Bhiyozi Makhalima uthi indlela abakoOK abaqhatsha ngakhona kulobandlululo.

''Thina sike sakhuluma labo sithunywe ngabantu njalo abasuthiseki ngempendulo esiyiphiwe ngabakoOk. Phakathi kwabantu abayisikhombisa ababili ngabalapha, njalo le online application abayisebenzisayo ilobandlululo iyasimanalisa.''

UMnu Venat Ncube isakhamuzi uthi bazamile ukukhulumisana leziphathamandla zakoOK kodwa impendulo abayitholileyo ayibasuthisi.

''Esikufisayo yikuthi uma silapha amathuba aphiwe abantwana balapha, bona baze labantwana abasuka ngaphandle kwalelidolobho. Bavalela abantwabethu abalezithupha zokusebenza, esinakufuniyo yikuncindezelwa yikho sisithi abavale kancane baqale balungisise udaba lokuqhatshwa kwabantwana baphandle kweMatabeleland sifuna abantwabethu basuke emiwaqweni bazosebenza babaphe amathuba omsebenzi kuqala.''

Iziphathamandla zakoOK eGodini koBulawayo zalile ukukhuluma leStudio 7 mayelana lokwenzakale namhlanje kanye lecala elizetheswayo lokuqhatsha abantu abavela phandle kwaleli dolobho zisithi azilalungelo lokukhuluma lentathelizindaba.

Ukutshengisela kwanamhlanje kubikwa kubangelwe yikuthi isitolo seOK esiseGodini siqhatshe abantu ababili bakoBulawayo phakathi kwabayisikhombisa kumaviki amabili adluleyo.

please wait

No media source currently available

0:00 0:03:33 0:00

Facebook Forum

XS
SM
MD
LG