amalinks wokungena

Breaking News

Izakhamizi zeGaranyemba Zikhala Ngokusilela Kwamanzi Lezinye Indubo


EGaranyemba Kulendlala

IZAKHAMIZI zeGaranyemba eGwanda ezingene umhlangano webandla leZAPU wokukhankasela ukhetho lokubonisa izakhamizi abantu bokuvotela zitshele inkokheli zeZAPU ukuba lokhe ilizwe lathatha uzibuse into okuthiwa ngamanzi ahlanzekileyo, imigwaqo emihle kunye lezikolo ezicacayo bakubonela kwezinye izigaba zelizwe.

Omunye olandise ngehlupho zabo nguNkosazana Kholisani Moyo.

Esinye njalo isakhamuzi sikaWard 13 uNkosazana Sibusisiwe Ndlovu uthi kunhlelo zikahulumende kulenkethabetshabi, abesekeli bebandla elibusayo yibo abangenayo.

Esinye njalo isakhamuzi seGaranyemba uNkosazana Sethukile Moyo uthi ukuhlukuluzwa kuphambili njalo ibandla elibusayo yilo elihlukuluza abantu.

Osakhulayo uFreeman Smith uthi bayahlupheka abalamsebenzi ethi bacela ukuncedwa njalo amanzi ayahlupha.

Omunye osakhulayo uElvis Nyathi uvumelane loSmith ethi lemisebenzi yezandla inzima ukuyiqala.

UMnunzna Moses Linda uthi bahleli behlupheka konke okwenzakalayo kulokukhetha lobuqili.

Evumelana loLinda, uMnunzna Wilson Mabhena uthi bafuna ukuba ngabantwana beZimbabwe, ethi bahleli njengabantu bemzini endaweni yabo bathunjiwe.

UMnunzna Limukani Baloyi uthi ulusizi 38yrs benatha ezifuleni ethi ngabe akuselaMama othwala inkongxa ekhanda ngoba balwela inkululeko.

Uhlupho olubhekane lesigaba seGwanda, eseNkabazwe leseMaNdebeleni jikelele yisililo sinye, abafundi bahamba imango emide, abantu banatha lezifuyo njalo lemigwaqo ifile kuthi izibhedlela azilamithi.

please wait

No media source currently available

0:00 0:05:50 0:00

Facebook Forum

XS
SM
MD
LG