amalinks wokungena

Breaking News

Izakhamizi zeGwanda leBulilima West Zithathelwa Inombolo Zokubhalisa Ukuvota


Uhlelo lweBiometric Voter Registration olwenziwa yiZimbabwe Electoral Commission.

Okwenziwa ngabeZanu PF lokhu kukhanya sokusethusela inengi lalabo abangakayi bhalisela ukuvota ngoba bethi abazi ukuthi lezo nombolo zithathelwani nanku izizatho abaziphiwayo zokuthola usizo bengazemukeli.

Unkosikazi Lindiwe Maphosa ongumgcisihlalo wabatsha webandla leMDC T eGwanda uthi ngempela amalunga eZANU PF ahamba ebhala phansi inombolo zabantu njalo sebeke bazama ukuxoxisana lekhomishini ebona ngezokhetho eyeZEC ukuthi bavinjwe ukwenza lokhu kodwa lokhe kuqhubekela phambili.

Evumelana loMaphosa unkosikazi Nomagugu Nare uthi abantu beZANU PF bayabhoda bebhala amanumber bethi babhalisela abantu amaproject azabuya. UNare uthi lokhu asiyonto eqalayo kodwa kuyaqhubekela phambili. Unkosikazi Velisiwe Nkomo owe Malalumbe eBulilima West uthi inombolo zabantu bezibhalwa ngesikhathi kuholiswa ukudla njalo behluleka ukuthatha amanyathelo ngoba amalungelo bengawazi njalo abantu bayethuselwa. Uthe uyesaba ukunqoonga abakwenzayo lokhu ngamabizo ngoba engasala esehlaselwa.

Amaphepha okubhalisela ukuvota
Amaphepha okubhalisela ukuvota

Olwela amalungelo oluntu eseGwanda unkosikazi Sichasisile Ndlovu uthe isenzo seZANU PF esokuthatha amanumber abantu akulunganga njalo iZANU isisephula isisekelo sombuso ngokupha ukudla bebandlulula abantu. Uthe khathesi sekuyiwa ekhethweni kutshengisa ukuthi sekuqala ukuqila okwenziwa libandla leZANU-PF.

Olilunga lomanyano wamabandla ezombausazwe agoqela iMDCT, MDC, le ZANU-PF ekhangela ukuqondiswa kwemithetho yezokhetho umnumzana Oscar Ncube engumngcinisihlalo weMDC koBulawayo uthi amabandla womathathu avumelana ukuthi akumelanga kulandelelwe abantu kubhalwa inombolo zabo zobufakazi bokubhalisa ukuvota. Uthe lesi senzo asilunganga ngoba sethusela abantu njalo sitshengisa ukuthi uzanu isiqalile ubuqili.

Isiphathamandla seZEC, umnumzana Innocent Ncube uthe lesi senzo se ZANU asikho emandleni abo kodwa amabandla ayazenzela inhlelo zabo kodwa ababavumeli ukwenza lokho endaweni lapho abasebenzela khona.

Unobhala jikelele wezemithetho ebandleni leZANU PF umnumzana Munyaradzi Paul Mangwana uvumile kuviki ephelileyo ukuthi ibandla lakhe liyathatha inombolo zabantu ababhalise ukuvota ethi lokhu bakwenzela ukuthi babe lesiqinisekiso sokuthi amalunga abo abhalisele ukuvota.

Udaba lwezakhamizi zeGwanda leBulilima West siluphiwa nguBathabile Masuku
please wait

No media source currently available

0:00 0:04:52 0:00

Facebook Forum

XS
SM
MD
LG