amalinks wokungena

Breaking News

Silokhe Singakatholi Inkomo Zethu Zonke Ezantshontshwa Ngabe Tshanyawugwe, Kutsho Izakhamizi zeTshelanyemba eMatobo


Inkomo

Izakhamizi lezi zaqoqana zalubhekisa eMakhado laseTshanyawugwe ukuyadinga inkomo zazo lapho ezathola khona ezinye. UMnu. Cosmas Tshabalala oyisakhamuzi seTshelanyemba ulandisa ngohambo lwabo eTshanyawugwe.

Izakhamizi zeTshelanyemba eMatobo zikhala ezimathonsi ngenkomo zazo ezithi zintshontshwa ngamasela aweTshanyawugwe eGwanda South engabotshwa, njalo zilihlekana ezatholakalayo kuze kungenele amapholisa ngoLwesithathu olwedluleyo.

Izakhamizi lezi zaqoqana zalubhekisa eMakhado laseTshanyawugwe ukuyadinga inkomo zazo lapho ezathola khona ezinye. UMnu. Cosmas Tshabalala oyisakhamuzi seTshelanyemba ulandisa ngohambo lwabo eTshanyawugwe.

Uphinde wathi ngemva kokuthola ezinye inkomo zabo eTshanyawugwe bahlaselwa ngamasela. UMnu. Lovemore Ncube esinye isakhamuzi seMatobo uthi kuyadanisa okwenzakalayo.

UMnu. Mandulo Khumalo owakhele eKezi laye ukhala ngenkomo zakhe ezahamba zanyamalala. Izakhamizi zithi zicabangela ukuthi lawamasela enkomo engabe elobudlelwano lamapholisa ngoba engabotshwa.

Kuliviki amapholisa afika ikhulu abehlome ngemibhobho kanye lezinja ehamba langamabhiza ahlasele eTshanyawugwe laseJohn Deep. UMnu Mandlenkosi Moyo omkhulu wamapholisa esiqintini seGwanda ubikele abalimi ngoLwesibili kuliviki ukuthi sebebuthe umhlambi wenkomo.

Kodwa abafuyi benkomo abahambe eTshanyawugwe ngoLwesithathu ngemva kokuthola lumbiko bathi bezinlutshwana kakhulu inkomo ezibanjwe ngamapholisa.

Isiphathamandla samapholisa eMatabeleland South uMnu Mandlenkosi Moyo uthi bathole ezinye inkomo.

Inkomo ezitshontshwayo kubikwa zithengiselwa abamabhutsha emadolobheni abalisa iBeitbridge, iGwanda lakoBulawayo.

please wait
Embed

No media source currently available

0:00 0:05:21 0:00


Facebook Forum

XS
SM
MD
LG